Presidenti i Filipineve, Rodrigo Duterte ka thënë se nuk do të kandidojë për nënkryetar në zgjedhjet e vitit të ardhshëm dhe në vend të kësaj do të tërhiqet nga politika.
Duterte tha muajin e kaluar se ai do të kandidonte për nënkryetar në vitin 2022. Kushtetuta e vendit e ndalon atë nga një mandat i dytë si president.
Por ai tani thotë se do të tërhiqet, pasi “ndjenja e shumicës së filipinasve është se unë nuk jam i kualifikuar”.
Ky veprim vjen mes spekulimeve se vajza e tij mund të kandidojë për presidente, raporton BBC.
Duterte, një figurë e diskutueshme “e fortë”, erdhi në pushtet në vitin 2016 në një platformë të shtypjes së krimit dhe rregullimit të krizës së drogës në vend.
Në pesë vitet që nga zgjedhja e tij, kritikët thonë se ai ka inkurajuar policinë të kryejë mijëra vrasje jashtëgjyqësore të të dyshuarve në atë që ai e quajti “lufta kundër drogës”.
