Gjatë bisedës së sotme me homologun e tij rus Yuri Ushakov, Jake Sullivan, këshilltar për sigurinë kombëtare i presidentit amerikan Joe Biden, shprehu gatishmërinë e Uashingtonit për t'u angazhuar në diplomaci përmes disa kanaleve, përfshirë bisedimet dypalëshe, tha Shtëpia e Bardhë.
Sullivan i tha Ushakov, një këshilltar për politikën e jashtme të presidentit rus Vladimir Putin, se "çdo dialog duhet të bazohet në reciprocitet dhe duhet të adresojë shqetësimet (të Shteteve të Bashkuara dhe aleatëve të saj) për veprimet e Rusisë", transmeton Reuters.
Agjencia britanike thekson se Moska shqetësoi Perëndimin duke grumbulluar trupa pranë Ukrainës dhe se javën e kaluar paraqiti një listë të propozimeve të sigurisë që dëshiron të negociojë, duke përfshirë një kërkesë që NATO të heqë dorë nga çdo aktivitet ushtarak në Evropën Lindore dhe Ukrainë.
“Sullivan tha se SHBA është e gatshme për kontakte diplomatike përmes shumë kanaleve. Ne gjithashtu mund të flasim për kontakte dypalëshe, përmes Këshillit Rusi-NATO ose brenda OSBE-së”, thuhet në një deklaratë të Këshillit të Sigurisë Kombëtare të SHBA-së.
