Ukrainasit nën ‘ethe’, mësohet lëvizja e Putinit pak para shpalljes së ‘Fitores’ – vjen alarmi nga Kievi

Lufta në Ukrainë po riorienton shoqërinë civile në Gjermani. Debati zhvillohet për furnizimin me armë të rënda gjermane të Ukrainës. Fronti i debatit nuk ka kalon më midis të majtëve dhe të djathtëve.

"Marshim për Paqen e Vërtetë në Ukrainë", manifestim në mbështetje të Ukrainës në Berlin, 16.04.2022

Që kur Rusia nisi luftën kundër Ukrainës, qeveria gjermane është përballur në mediet vendase dhe nga Ukraina me kërkesa këmbëngulëse, që i kanë mbizotëruar tonet e tjera: për ta furnizuar Ukrainën me armë të rënda, jo vetëm me armë defensive, në luftë kundër Rusisë. Sidomos nga Ukraina, përmes ambasadorit të saj në Gjermani është bërë presion publik: që Ukrainës t'i jepen pikërisht ato armë që kërkon ajo nga Gjermania: si p.sh. tanke, avionë etj. Pra që Gjermania të mos mjaftohet me vetëm 1,2 miliardë eurot, që i ka premtuar së fundi Ukrainës për të blerë armatime.

Megjithë kritikat, Gjermania është orientuar në qëndrimin e NATO-s për llojin e armatimeve. Por edhe në këtë kuadër, sipas Institutit të Kielit për Ekonominë Botërore (IfW), bazuar në Produktin e Brendshëm Bruto, ndihma që Gjermania i ka dhënë Ukrainës është shumë më e madhe se ndihma që i kanë dhënë p.sh. Britania e Madhe, Franca, Spanja dhe Italia. Ndërsa në shifra absolute, ndihma gjermane në konfliktin e Ukrainës prej 3,5 miliardë eurosh kalohet vetëm nga SHBA, me 10,3 miliardë euro.

Lexo lajmin e plotë KËTU.

Presidenti amerikan Joe Biden njoftoi të premten një ndihmë shtesë të sigurisë për Ukrainën në formën e "municioneve shtesë të artilerisë, radarëve dhe pajisjeve të tjera".

Paketa e fundit është për pajisje me vlerë 150 milionë dollarë, duke përfshirë 25,000 fishekë artilerie 155 mm, radarë kundër-artilerie, pajisje bllokimi dhe pajisje në terren dhe pjesë këmbimi, tha një zyrtar i Shtëpisë së Bardhë, raporton CNN, përcjell "Bota sot".

Paketa e re ndihmëse për sigurinë pason propozimin e Presidentit prej 33 miliardë dollarësh javën e kaluar drejtuar Kongresit për të mbështetur Ukrainën në mes të pushtimit të Rusisë. SHBA e ka bërë të qartë se synon të ofrojë mbështetje afatgjatë për Ukrainën dhe tashmë i ka ofruar kombit miliarda dollarë ndihmë ushtarake dhe humanitare.

Paketa e propozuar javën e kaluar ishte më shumë se dyfishi i infuzionit prej 13.6 miliardë dollarësh të ndihmës ushtarake dhe humanitare që Kongresi miratoi muajin e kaluar.

Lexo lajmin e plotë KËTU.

Njëzet e pesë milionë tonë drithë ukrainase, që do të eksportohen, janë bllokuar për shkak se portet e Detit të Zi janë mbyllur, thotë Organizata e Ushqimit dhe Bujqësisë (FAO) e OKB-së.

“Është një situatë pothuajse groteske që shohim për momentin në Ukrainë”, tha Josef Schmidhuber, zëvendësdrejtor i organizatës në një konferencë për media në Gjenevë.

“Ka rreth 25 milionë ton drithë që mund të eksportohen, por që nuk mund të largohen nga vendi thjesht për shkak të mungesës së infrastrukturës, bllokadës së porteve”.

Ukraina është një nga vendet më të mëdha në botë që prodhon drithëra. CNN raportoi më parë se forcat ruse po vjedhin mijëra tonë drithë nga fermerët ukrainas, si dhe po synojnë vendet e magazinimit të ushqimit me sulmet që ndërmarrin.

Ministria e Mbrojtjes e Ukrainës tha të enjten se rreth 400,000 ton drithë ishin vjedhur deri më tani.

Mungesa e drithit po çon në rritje të çmimeve globale të ushqimit, mes paralajmërimeve nga agjencitë e ndihmës së OKB-së se shumë vende të varura ose nga furnizimet ushqimore humanitare ose nga importet e drithërave ruse ose ukrainase, përballen me pasiguri ushqimore dhe madje edhe urinë.

Ukraina do të fitojë, deklaroi kryetarja e Parlamentit Evropian Roberta Metsola duke folur në konferencën evropiane ”The State of the Union”.

“Ne duhet të zgjidhim varësitë tona nga Kremlini, ne do t’i japim fund importeve të naftës dhe ne duhet të përfundojmë politikën tonë zero të gazit nga Rusia”, theksoi ajo.

”Tani, në këtë shekull, lufta në Ukrainë është një tragjedi njerëzore, që do të thotë se liderët largpamës duhet të ngrihen sot dhe të japin një sinjal se do të jemi të guximshëm dhe të vendosur për të mbështetur Ukrainën jo vetëm me fjalë” theksoi presidenti i Këshillit të BE-së, Charles Michel.

”Ne kemi nevojë për vendime, ne kemi nevojë për para’, kemi nevojë për një koordinim të fortë dhe për këtë na duhet vullnet politik”, shtoi ai.

Kryetari i bashkisë së Kievit, Vitali Klitschko po u kërkon qytetarëve të qëndrojnë brenda nga e diela në të hënën gjatë ditës vjetore të Fitores së Rusisë, pasi zyrtarët perëndimorë kanë paralajmëruar se presidenti rus Vladimir Putin mund t'i shpallë zyrtarisht luftë Ukrainës më 9 maj, një ditë simbolike për Rusinë, duke i hapur rrugën presidentit për të rritur fushatën e tij.

Megjithëse, kryetari i bashkisë nuk po vendos zyrtarisht një shtetrrethim, ngjarjet nuk do të mbahen gjatë asaj kohe, sipas postimeve në mediat e tij sociale.

Ai tha se do të ketë patrullim të zgjeruar në qytet.

"Nëse dikush dëshiron të vendosë lule, mund ta bëjë këtë privatisht... Kushtojini vëmendje dhe ndiqni rregullat e sigurisë gjatë luftës," tha Klitschko.

"Unë gjithashtu ju kërkoj që të mos i injoroni sinjalet e alarmit ajror dhe të mbuloheni menjëherë. Në ditët në vijim, ka një gjasë të lartë për granatime me raketa në të gjitha rajonet e Ukrainës. Jini të vetëdijshëm dhe kujdesuni për sigurinë tuaj!"paralajmëroi Klitschko.

Rusët duan të pushtojnë qytetin e Severodonetsk në mënyrë që "kjo t'i shitet popullit rus si një fitore madhështore", thotë një zyrtar i lartë në Ukrainën lindore.

"Sigurisht, ata duan Severodonetsk, sepse është qyteti - qendra rajonale. Sigurisht, kjo mund t'i shitet njerëzve si një fitore madhështore," tha Serhiy Hayday, kreu i administratës rajonale ushtarake të Luhanskut në Telegram, raporton CNN, përcjell "Bota sot".

Severodonetsk, i cili ishte një qendër e rëndësishme industriale në Ukrainën lindore, është granatuar nga forcat ruse për javë të tëra dhe është shkatërruar në masë të madhe. Por trupat ukrainase mbeten brenda dhe përreth qytetit.

"Dhe sigurisht një qëllim tjetër është të rrethojmë ushtrinë tonë dhe të përpiqemi të presim rrugën për në Bakhmut ku është Popasna. Këto janë dy drejtimet kryesore," tha ai.

Hayday mohoi pretendimet ruse se ata kishin marrë qytetin e Rubizhne në të njëjtën zonë.

"Në fakt ata nuk mund të lëvizin më tej dhe Garda jonë Kombëtare është ende atje dhe zmbraps të gjitha sulmet e armikut," tha Hayday.

Ambasadorja britanike në Moskë, Deborah Bronnert, u thirr nga Ministria e Jashtme ruse të premten lidhur me sanksionet e fundit kundër Rusisë, duke përfshirë sanksionet kundër Kompanisë Shtetërore të Televizionit dhe Radios Ruse, sipas një deklarate nga Ministria e Jashtme ruse.

“Ambasadorit iu tha papranueshmëria e veprimeve të tilla shkatërruese, vazhdimi i të cilave do të çojë në mënyrë të pashmangshme në shkatërrimin përfundimtar të lidhjeve dypalëshe dhe dëmtimin e marrëdhënieve midis popujve të Rusisë dhe Mbretërisë së Bashkuar”, thuhet në deklaratë, raporton CNN, përcjell "Bota sot".

Vendosja e sanksioneve ndaj mediave ruse “vetëm për shkak se mbulimi dhe interpretimi i tyre i ngjarjeve që ndodhin në botë nuk është në përputhje me modelet perëndimore, konfirmon edhe një herë qartë dyfishimin dhe cinizmin e politikanëve britanikë, për të cilët një gjë e tillë si liria e media nuk është gjë tjetër veçse një mjet për zgjidhjen e problemeve të tregut”, thuhet në deklaratë.

Ministria akuzoi Mbretërinë e Bashkuar dhe zyrtarët e saj për vendosjen e sanksioneve dhe dhënien e deklaratave me "kërcënime" që janë "të ndërthurura me gënjeshtra dhe vrazhdësi të plotë" kundër Rusisë.

Një autokolonë humanitare me 50 gra, fëmijë dhe të moshuar doli nga fabrika e çelikut Azovstal në Mariupol të premten, tha zëvendëskryeministrja e Ukrainës, Iryna Vereshchuk, shkruan BBC, transmeton Bota sot.

Ajo e përshkroi evakuimin si "jashtëzakonisht të ngadaltë" dhe akuzoi Rusinë për vonimin e përpjekjeve duke shkelur një armëpushim lokal që lejonte largimin e civilëve.

“Nesër në mëngjes do të vazhdojmë operacionin e evakuimit”, shtoi Vereshchuk.

Ministria e Mbrojtjes e Moskës ka konfirmuar veçmas se 50 civilë janë evakuuar të premten dhe se operacioni do të vazhdojë nesër.

Ky numër i konfirmuar i totalit të evakuuarve është pak më i lartë se 48 civilët që mediat ruse raportuan më herët se ishin evakuuar sot.

Mijëra fëmijë në Ukrainë kanë nevojë urgjente për mbështetje psikologjike, marrë parasysh përvojat traumatike të luftës, ka thënë Agjencia e Kombeve të Bashkuara për Fëmijë (UNICEF).

Sipas të dhënave të kësaj agjencie, 4,000 deri në 6,000 profesionistë për psikologji të fëmijëve janë ende në këtë shtet, dhe duhet bërë gjithçka për të siguruar pagat e tyre dhe për t’i mbështetur në mënyrë që të vazhdojnë punë e rëndësishme, ka thënë eksperti i UNICEF-it, Aaron Greenberg.

Ai ka bërë këto deklarata nga Lvivi, qytet në perëndim të Ukrainës.

Rreth 91,000 fëmijë dhe të rinj, që veçse kanë qenë në qendra kujdesi para pushtimit rus në Ukrainë, kanë nevojë për vëmendje të posaçme, ka shtuar ai.

Shumë prej këtyre fëmijëve janë nëpër jetimore dhe qendra për fëmijë me nevoja të veçanta, derisa rreth 35,000 janë kthyer te familjet e tyre pas nisjes së luftës, por ende kanë nevojë për mbështetje.

Sipas tij, 56 ekipe mobile janë duke udhëtuar brenda shtetit për të ofruar kujdes për fëmijët dhe familjet e tyre që kanë përjetuar traumë, përfshirë dhunë seksuale./REL

Një gjykatë në Moskë ka urdhëruar arrestimin e Alexander Nevzorov.

Nevzorov, një gazetar i shquar rus, akuzohet për përhapjen e informacionit të rremë në lidhje me atë që Moska e quan "operacioni i saj special ushtarak" në Ukrainë.

Nevzorov është vendosur në listën e kërkimeve ndërkombëtare të Rusisë dhe do të mbahet në paraburgim për dy muaj nëse kthehet ndonjëherë në Rusi ose ekstradohet atje, shtoi gjykata.

Në mars, gruaja e zotit Nevzorov tha në Instagram se ajo dhe bashkëshorti i saj ishin në Izrael, por nuk kishin plane të zhvendoseshin atje përgjithmonë.

Në të njëjtin muaj, hetuesit hapën një rast kundër zotit Nevzorov për postimin në mediat sociale se forcat e armatosura të Rusisë bombarduan qëllimisht një maternitet në Mariupol.

Nevzorov, i cili ka më shumë se 1.8 milionë abonentë në kanalin e tij në YouTube, e quajti hetimin kundër tij qesharak dhe i shkroi një letër të hapur hetuesit kryesor të Rusisë duke i bërë thirrje që të mbyllte çështjen.

Ukraina dhe aleatët perëndimorë e dënuan sulmin ndaj spitalit si një mizori.

Rusia mohoi kryerjen e bombardimeve, duke akuzuar Kievin për një "provokim të organizuar".

Tetë ditë pas pushtimit të Ukrainës më 24 shkurt, Rusia miratoi një ligj që jep dënime me burg deri në 15 vjet për ata që janë dënuar për përhapjen e qëllimshme të lajmeve "të rreme" për ushtrinë ruse.