LIVE: Ukraina nën sulmet ruse - Pse Lavrov po viziton Iranin? /Rusia në gjendje të keqe ekonomikisht

Të paktën një person ka vdekur në Mykolaiv si rezultat i një sulmi ajror rus, sipas kryebashkiakut Oleksandr Senkevych.

Sulmi shkaktoi disa zjarre, dëmtoi ndërtesa banimi dhe biznesi në qytetin port.

"Unë vazhdoj të them se është ende e rrezikshme në qytet. Më parë njerëzit dilnin me shumicë, por ata dalin më pak tani," tha zoti Senkevych.

Guvernatori rajonal Vitaliy Kim kishte thënë më herët se shtatë raketa kishin goditur Mykolaiv.

Mbajtësi i grurit Viterra tha se terminali i saj Everi në Mykolaiv ishte në flakë pasi u godit, por se askush nuk ishte vrarë atje.

Reuters nuk mundi të verifikonte menjëherë situatën në Mykolaiv.

Lituania tha se është e përgatitur nëse Rusia e shkëput atë nga rrjeti rajonal i energjisë në shenjë hakmarrjeje për bllokimin e tregtisë në enklavën e Kaliningradit, raporton Sky News, përcjell Bota sot.

Gitanas Nauseda tha se nuk pret një konfrontim ushtarak, duke thënë: “Ne jemi të gatshëm dhe jemi të përgatitur për veprime jo miqësore nga Rusia (në përgjigje), si shkëputja nga sistemi BRELL (rrjeti elektrik) apo të tjera”.

Shtetet baltike, Lituania, Letonia dhe Estonia ende varen nga Rusia për furnizim të qëndrueshëm me energji elektrike.

Megjithatë, Lituania instaloi pajisje në lidhjen e saj të energjisë me Poloninë vitin e kaluar për t'u lidhur shpejt me rrjetin evropian kontinental si një politikë sigurimi në rast se Rusia ndërpret rrjedhën e energjisë elektrike, duke shkaktuar potencialisht ndërprerje.

Ukraina dhe Rusia janë shumë larg përfundimit të luftës përmes negociatave, tha të mërkurën kancelari gjerman, Olaf Scholz, duke shtuar se presidenti Vladimir Putin ende beson gabimisht se ai mund të diktojë kushtet e paqes.

"E vërteta është se ne jemi larg negociatave midis Ukrainës dhe Rusisë. Sepse Putini ende beson në mundësinë e një paqeje të diktuar," tha Scholz në një fjalim para ligjvënësve gjermanë.

Scholz po ashtu tha të mërkurën se partnerët e NATO-s në Evropën Lindore mund të mbështeten te Gjermania, pasi ajo po ripajis ushtrinë e saj në mënyrë që të mund të mbrojë aleatët si dhe veten kundër të gjitha sulmeve të ardhshme.

“Në krizën më të madhe të sigurisë në Evropë për dekada, Gjermania – ekonomia më e madhe e BE-së dhe vendi më i populluar – po merr një përgjegjësi shumë të veçantë”, tha Scholz në një fjalim në parlament për samitet e ardhshme të Bashkimit Evropian, G7 dhe NATO-s.

"Dhe jo vetëm për sigurinë e saj, por edhe për sigurinë e aleatëve të saj,”, tha ai.

Lufta në Ukrainë nisi më 24 shkurt, 2022 me një sulm të paprovokuar të Rusisë.

Ky sulm u pasua me sanksione të ashpra ndaj Rusisë, të cilat megjithatë nuk e kanë detyruar Rusinë të ndalë sulmet.

Një delegacion turk udhëtoi për në Moskë të mërkurën e 22 qershorit për të biseduar mbi mundësinë e rifillimit të eksporteve të grurit nga Ukraina përgjatë Detit të Zi.

Në takimin që zgjati disa orë në Moskë, përfaqësuesit e ministrive të mbrojtjes të Turqisë dhe Rusisë arritën një marrëveshje për bashkëpunimin e mëtejshëm për kalimin e sigurt të anijeve tregtare turke dhe eksportin e grurit nga portet ukrainase në Detin e Zi.

Miliona tonë grurë dhe drithëra të tjerë janë bllokuar prej muajsh në portet e Ukrainës që nga nisja e pushtimit rus, duke sjellë shqetësime mbi krizën dhe rritjen e çmimeve në të gjithë botën.

“Palët diskutuan për daljen e sigurt të anijeve tregtare turke dhe eksportin e grurit nga portet e Ukrainës, po ashtu edhe mbi lundrimin e sigurt në Detin e Zi”, - thuhet në deklaratën e ministrisë ruse pas takimit të së martës.

Rusia ka mohuar në mënyrë të përsëritur bllokimin e kalimit të anijeve me grurë ukrainas, duke fajësuar sanksionet perëndimore si shkak për krizën ushqimore.

Turqia, e cila ka mbajtur marrëdhënie të mira me Moskën dhe Kievin, ka ofruar të mundësojë kalimin e anijeve nga Ukraina bazuar në një plan të OKB-së që do të garantonte korridore të sigurta në Detin e Zi.

Të mërkurën një anije mallrash turke u largua nga porti i Mariupolit, qytetit ukrainas të pushtuar nga Rusia, pas një raundi bisedimesh "konstruktive" me Moskën, shkruhet në deklaratën e ministrisë së mbrojtjes të Turqisë, pa specifikuar nëse po transportonte grurë.

"Takimi në Moskë dha rezultatin e tij të parë konkret," tha ministria turke në një deklaratë.

“Vetëm pak orë pas përfundimit të takimit, anija turke e mallrave të thata, e cila priste prej ditësh, u largua nga porti ukrainas.

Deklarata shtoi se ‘Azov Concord’ u bë anija e parë e huaj që u largua nga porti në Mariupol - një qytet i shkatërruar nga bombardimet ruse./REL

Një sulm me dron mund të ketë shkaktuar zjarrin që shpërtheu në rafinerinë e naftës në Novoshaktinsk, në rajonin rus të Rostovit që ndodhet në kufi me Ukrainën. Guvernatori i rajonit rus, Vasili Golubev tha se në vendngjarje u gjetën disa fragmente të një droni por pa specifikuar origjinën e pajisjes.

Pamjet e publikuara në mediat sociale treguan një dron që fluturonte drejt rafinerisë, e vendosur vetëm 8 km nga kufiri me Ukrainën, përpara se një shpërthim i madh flake dhe tymi të zi të ngrihej në qiell.

Sipas autoriteteve rajonale ruse, zjarri u shua dhe i gjithë personeli u evakuua pa shënuar viktima.

“Puna në rafineri është ndërprerë në pritje të hetimeve”, - shtoi Golubev.

Rusia ka akuzuar disa herë Kievin për sulme në zonat kufitare që nga nisa e aksonit ushtarak në Ukrainë më 24 shkurt.

Zjarri në rafineri vjen disa ditë pasi Moska akuzoi Ukrainën se kishte sulmuar me raketa platformat e nxjerrjs së naftës në Detin e Zi, në brigjet e gadishullit të Krimesë./REL

Zyrtarët ukrainas kanë pranuar humbjen e disa komuniteteve pranë qytetit të Lysychansk, i vetmi bashkim në rajonin e Luhansk që ata ende kontrollojnë.

“Rusët po i afrohen Lysychansk, duke u rrënjosur në qytetet e afërta. Qyteti po bombardohet nga avionë”, sipas Serhiy Hayday, kreu i administratës ushtarake rajonale të Luhansk.

Hayday pranoi se ishte “e vështirë” në zonën në jug të Lysychansk.

“Armiku hyri në Toshkivka, gjë që e lejoi atë të shtonte zjarrin në vendbanimet e tjera. Nuk është e lehtë për ushtarët tanë të mbajnë mbrojtjen “, shtoi ai.

Ai tha se “luftimet në rrugë vazhdojnë në Severodonetsk”, ku mbrojtësit ukrainas ende zënë një pjesë të uzinës kimike Azot.

Por ai tha se rusët po përpiqeshin të rrethonin njësitë ukrainase në disa zona (si Borivske) pranë Lysychansk dhe Severodonetsk.

“Lysychansk është nën zjarr të fortë tani. Qyteti është granatuar nga artileria, tanket dhe avionët. Ka të paktën tre civilë të plagosur atje, disa policë u plagosën”, shtoi më tej.

Gjatë gjithë fushatës së saj, Rusia ka përdorur taktikën e bombardimeve intensive përpara se të përpiqet të marrë territor.

Diku tjetër, shtabi i përgjithshëm i ushtrisë ukrainase tha se Rusia mbante deri në tre grupe taktike batalionesh dhe njësi ajrore në zonat kufitare si përforcime të mundshme.

Vendbanimet pranë Kharkiv ishin granatuar intensivisht, tha ai. Të martën, 15 persona u raportuan të vrarë nga sulmet e artilerisë në zonë.

Në rajonin e Donetskut, Shtabi i Përgjithshëm tha se forcat ruse po përdorin sisteme të shumta raketash “për të krijuar kushte për rifillimin e ofensivës në qytetin e Slovianskut”

Në përditësimin e fundit të inteligjencës, Ministria e Mbrojtjes tha se bombardimet e rënda vazhdojnë në Sieverodonetsk, ndërsa Rusia vazhdon të përpiqet të mbështjellë zonën nëpërmjet Izium në veri dhe Popasna në jug.

"Rusia ka shumë të ngjarë të përgatitet të përpiqet të vendosë një numër të madh njësish rezervë në Donbas", tha departamenti britanik i mbrojtjes.

Përditësimi shtoi se rusët nuk kanë treguar numrin e viktimave ushtarake në Ukrainë që nga marsi, por Republika Popullore e Donetsk pranoi se 2,128 personel ushtarak u vranë në aksion që nga 16 qershori, raporton Sky News, përcjell Bota sot.

"Ka shumë të ngjarë që forcat e DPR të jenë të pajisura me armë dhe pajisje të vjetruara", shtohet në deklaratë.

"Nga të dyja palët, aftësia për të gjeneruar dhe vendosur njësi rezervë në front ka të ngjarë të bëhet gjithnjë e më kritike për rezultatin e luftës."/A.Zh

Forcat ushtarake ruse vazhdojnë sulmet në Donbas, teksa po mundohen të rrethojnë plotësisht forcat e rezistencës ukrainase në qytetet e Lysychanskut dhe Severodonjeckut në rajonin e Luhanksut, ku ndodhen dhe dy qytetet fqinje.

Sipas autoriteteve, forcat ukrainase po përballen me sulme të pareshtura artilerie në Lysychansk.

“Ushtria ruse po bombardon masivisht qytetin e Lsychanskut”, - deklaroi Sergyi Gaiday, guvernatori i rajonit Luganskut, që përfshin të dy qytetet. “Ata po shkatërrojnë çdo gjë atje...Ata shkatërruan ndërtesa dhe fatkeqësisht ka viktima”.

Në përditësimin ditor të inteligjencës britanike, më 22 qershor thuhet se rezultati i luftës do të varet kryesisht nga aftësia e palëve për të çuar njësi rezerviste në front.

Inteligjenca britanike vuri theksin me atë që e quajti “humbjet e jashtëzakonshme” mes forcave separatiste të mbështetura nga Moska në rajonin e Donjeckut, që sipas shifrave të publikuara nga autoritetet separatiste, më shume se 2100 ushtarë janë vrarë dhe 8900 të tjerë janë plagosur, çka përben rreth 55 për qind të totalit të forcave ushtarake në rajon.

Në deklaratë thuhet se edhe humbjet e forcave ushtarake ruse, të cilat nuk janë publikuar zyrtarisht nga Kremlini që nga 25 marsi, ka gjasa të kenë pësuar humbje të ngjashme.

Presidenti ukrainas Volodymyr Zelenskiy tha se situata ushtarake ishte shumë e vështirë.

"Ky është me të vërtetë vendi më i vështirë. Pushtuesit po bëjnë presion të fuqishëm," tha Zelenskiy në një fjalim të së martës në mbrëmje.

Në Severodonjeck, ushtarët ukrainas vazhdojnë të rezistojnë në fabrikën kimike Azot. Rreth 500 civilë janë strehuar në uzinë dhe sipas autoriteteve rajonale, forcat ruse po e kthejnë zonën "në gërmadha".

Komanda ukrainase tha gjithashtu se forcat e saj zmbrapsën një përpjekje zbulimi në Metyolkine, për të cilën Ukraina ka konfirmuar se ishte pshtuar nga rusët.

Kreu i administratës shtetërore rajonale të Harkivit, Oleh Synegubov, tha se të paktën 15 civilë u vranë në rajon nga bombardimet ruse më 21 qershor.

Polonia ka furnizuar Ukrainën me 240 tanke dhe 100 automjete të tjera të blinduara, njoftoi sot presidenti polak, Andrzej Duda.

“Gjithashtu, Varshava ka dërguar sisteme raketore, mitralozë dhe municione”, tha Duda gjatë një takimi me ambasadorët polakë në Varshavë.

Në total, Polonia i ka ofruar Ukrainës një ndihmë ushtarake prej mbi 1.6 miliardë dollarë, duke synuar të ndalojë luftën dhe të sigurojë që ajo të mos përhapet në territorin polak.

Përfaqësuesi i Ukrainës në OKB ka mbajtur një fjalim të fuqishëm në Këshillin e Sigurimit, duke thënë se Rusia "nuk do të ndalet para asgjëje" në pushtimin e saj.

Diplomati Sergiy Kyslytsya tha: Ndërsa Ukraina është duke luftuar për të drejtën e saj për të ekzistuar, nuk ka vend për një dilemë qetësimi kundër përgjegjësisë, shkruan Sky news, përcjell “Bota sot”.

“Zgjedhja e zbutjes do të na vinte vetëm kohët më të errëta”

"Rusia nuk do të ndalet para asgjëje në pushtimin e Ukrainës, duke përdorur çdo pauzë për t'i bërë territoret e pushtuara rishtazi bastionet e saj dhe për të mbledhur më shumë mish për topa për të rinovuar sulmin e saj ndaj Ukrainës”.

“Duhet ta ndalojmë të gjithë ne, sa më shpejt aq më mire”.

“Ukraina, tani në vijën e frontit, ka vullnetin e nevojshëm të lidershipit, vendosmërinë dhe guximin e ushtrisë dhe popullit të saj, si dhe solidaritetin e paprecedentë ndërkombëtar”.

“Nëse e lëmë Putinin ose pasardhësin e tij në fronin e Kremlinit të rilindin kthetrat e tyre të prera, të njomur me gjakun e ukrainasve, lufta e ardhshme është e afërt dhe bota e qytetëruar do të paguajë trefishin e çmimit të asaj që paguhet sot.

"Le ta përfundojmë fashizmin rus tani."/M.H.