LIVE: Ukraina nën sulmet ruse - Pse Lavrov po viziton Iranin? /Rusia në gjendje të keqe ekonomikisht

Shtëpia e Bardhë thotë se është "e tmerrshme" që një zyrtar publik në Rusi do të sugjeronte dënimin me vdekje për amerikanët e kapur në Ukrainë.

John Kirby, zëdhënësi i Këshillit të Sigurisë Kombëtare, tha gjithashtu se presidenti Joe Biden po mban një mendje të hapur se si të merret me bllokadën e grurit të presidentit rus Vladimir Putin.

"Presidenti Putin është, pa shaka, duke armatosur ushqimin.

Le ta quajmë si është, ai është duke armatosur ushqimin," tha Kirby./M.H.

Presidenti Volodymyr Zelenskyy thotë se forcat ukrainase përballen me një betejë përgjatë një fronti më shumë se 2500 km të gjatë, por ishte i sigurt për situatën.

Ai ndau një seri fotografish në kanalin e tij zyrtar Telegram të martën në mëngjes, duke treguar ushtarët e Ukrainës në vende të ndryshme, shkruan Sky news, përcjell “Bota sot”.

Në mesazhin e tij, të shpërndarë në gjuhën ukrainase dhe angleze, ai thotë: Kemi të bëjmë me të keqen absolute. Dhe nuk kemi zgjidhje tjetër veçse të vazhdojmë përpara.

“Lironi të gjithë territorin tonë, dëboni pushtuesit nga të gjitha rajonet tona”.

“Dhe, megjithëse tani gjerësia e frontit tonë është tashmë më shumë se 2.5 mijë kilometra, duket se iniciativa strategjike është ende e jona”./M.H.

Një zyrtar i lartë i qeverisë ukrainase është arrestuar nën dyshimin se ka transmetuarinformacione në inteligjencën e Rusisë.

Zyrtari, së bashku me një udhëheqës biznesi, dyshohet se janë paguar nga 2,000 deri në 15,000 dollarë për informacion, thotë shërbimi i sigurisë i Ukrainës (SBU).

Të dyshuarit u kapën në një "operacion special me shumë faza" për të marrë në qytet një rrjet spiun rus FSB, tha shërbimi i sigurisë të marten, shkruan Sky news, përcjell “Bota sot”.

Dyshja akuzohen se kanë dhënë informacion mbi aftësitë mbrojtëse të Ukrainës dhe të dhënat personale të oficerëve të zbatimit të ligjit.

Ushtria ukrainase tha të martën se kishte nisur disa sulme ajrore në ishullin Zmiinyi, i cili njihet edhe si ishulli i gjarpërinjve. 

Komanda Operative Jugore e Ushtrisë së Ukrainës tha se kishte përdorur “sulme të synuara me përdorimin e forcave të ndryshme” në ishull. 

Operacioni ushtarak është ende në vazhdim dhe se “heshtja e informacionit” ishte e nevojshme deri në fund të operacionit, shtoi komanda.

Ishulli Zmiinyi ishte skena e një prej hapave të luftës në Ukrainë dhe është me rëndësi strategjike për të dyja palët. Gjatë ditëve të fillimit të luftës, ishte vendi i kërkesës nga një anije luftarake ruse për mbrojtësit ukrainas për t’u dorëzuar. Ata u përgjigjën, në mënyrë famëkeqe, me ” luftanijen ruse, shko ti vetë ” – një frazë që u bë motiv i rezistencës ukrainase.

Aktori amerikan Ben Stiller i ka përshkruar skenat në Ukrainën e shkatërruar nga lufta si “shqetësuese”, “tronditëse” dhe në një shkallë më të madhe se çdo film.

Stiller u takua me Presidentin Volodymyr Zelensky në kryeqytetin e Ukrainës, Kiev, në rolin e tij si ambasador i vullnetit të mirë për agjencinë e Kombeve të Bashkuara për refugjatët (UNHCR), shkruan BBC.

Ylli i Hollivudit i tha Zelenskyt se ai ishte heroi i tij dhe e komplimentoi karrierën e tij të mëparshme të aktrimit.

“Është hera imë e parë që vij në një zonë konflikti. Por, është vërtet e çuditshme sepse kur futesh me makinë në vend, në të vërtetë në perëndim të vendit, nuk e ndjen konfliktin, me përjashtim të shtetrrethimit gjatë natës ku bëhet shumë e qetë dhe paksa e frikshme. Në Lviv, njerëzit duket se po i kthehen jetës si normale, duke u përpjekur sa më shumë që të jetë e mundur. Dhe më pas, ndërsa i afroheni gjithnjë e më shumë Kievit, në lindje të vendit, filloni të shihni bllokimet e rrugëve dhe të shihni shkatërrimin, i cili është vërtet tronditës”, tha ai.

Luftimet e ashpra vazhdojnë në Ukrainën lindore, me lokacione kyçe nën bombardime intensive nga forcat ruse.

Sekretari i Përgjithshëm i NATO-s paralajmëroi këtë javë se Perëndimi duhet të përgatitet të vazhdojë të mbështesë Ukrainën në një luftë që zgjat me vite.

Stiller është ambasador i Komisionerit të Lartë të Kombeve të Bashkuara për Refugjatët që nga viti 2016.

Administrata Ushtarake në Kharkiv ka bërë të ditur se 15 persona kanë vdekur dhe 16 janë lënduar nga sulmet ruse në këtë rajon.

Në postim në Telegram, Oleg Syniehubov ka thënë se 6 persona kanë vdekur në Chuhuiv, pesë në Kharkiv, tre në Zolovhiv dhe një vjazë tetëvjeçare në Derhachi.

Forcat ruse kanë granatuar objektet e banimit dhe zonat industriale në Kharkiv.