LIVE: Sulmi terrorist që tronditi Ukrainën/ Johnson me deklaratë të fortë ndaj Putinit

Një raketë ka goditur një qendër tregtare në Kremenchuk, në rajonin ukrainas të Poltavës.

Sipas Presidentit Volodymyr Zelensky, në momentin e goditjes, në qendrën tregtare kishte rreth 1000 persona.

Pamjet tregojnë qendrën tregtare të pushtuar nga zjarri, ndërkohë që mendohet ka viktima dhe të plagosur.

“Ajo qendër tregtare nuk përbënte asnjë rrezik për ushtrinë ruse dhe nuk kishte vlerë strategjike”, tha Zelensky në Telegram.

NATO do të rrisë ndjeshëm numrin e forcave në gatishmëri të lartë nga 40,000 në mbi 300,000 – si pjesë e rinovimit më të madh të mbrojtjes së aleancës që nga Lufta e Ftohtë.

Me fillimin e agresionit në Ukrainë nga Vladimir Putin duke ndryshuar mjedisin e sigurisë në të gjithë Evropën, kreu i aleancës konfirmoi gjithashtu se aleatët do të zgjerojnë dislokimet e trupave në vendet e NATO-s që janë më afër Rusisë, shkruajnë mediat e huaja.Ndryshe, Ukraina nuk është anëtare e NATO-s.

Dhe vendimet do të përcaktohen në një samit historik këtë javë në Madrid.

Ky premtim pasqyron një rritje prej rreth 650% duke pasur parasysh se Forca e Reagimit e zgjeruar e NATO-s aktualisht përbëhet nga rreth 40,000 trupa, shkruan CNBC.

“Së bashku, kjo përbën rishikimin më të madh të (masave) parandalimit dhe mbrojtjes sonë kolektive që nga Lufta e Ftohtë”, citohet të ketë thënë Jens Stoltenberg, në një konferencë në selinë e NATO-s në Bruksel të hënën.

Ai tha se aleanca prej 30 anëtarësh pritet ta konsiderojë Rusinë si “kërcënimin më të rëndësishëm dhe të drejtpërdrejtë për sigurinë tonë”.

Aleatët kishin forcuar tashmë mbrojtjen e tyre pas agresionit të përgjithshëm të Rusisë në Ukrainë në shkurt, por hapat e fundit janë deri tani më të rëndësishmit.

“Ne do të transformojmë Forcën e Reagimit të NATO-s dhe do të rrisim numrin e forcave tona të gatishmërisë së lartë në mbi 300,000”, ka thënë më tej shefi i NATO-s.

Forcat e Reagimit të NATO-s – të cilat mbahen në shkallë të ndryshme gatishmërie për t’u mobilizuar nga njoftimi dy ditë deri në gjashtë muaj – aktualisht kanë rreth 40,000 ushtarë, marinarë dhe personel ajror.

Një veprim i tillë pritet të pasojë një thirrje të koordinuar nga fqinjët e Rusisë për të forcuar mbrojtjen në krahun lindor të Evropës.

Vendet baltike si Estonia, Letonia dhe Lituania kanë thënë se pushtimi i Ukrainës nga Rusia kërkon një ndryshim thelbësor në konstruktin ekzistues ushtarak të NATO-s.

Të tre vendet, të gjitha anëtarët e NATO-s dhe Bashkimit Evropian, i kanë bërë vazhdimisht thirrje NATO-s që të sigurojë një rritje të konsiderueshme të numrit të trupave të huaja të stacionuara në rajon dhe të rimendojë qasjen ekzistuese të aleancës. 

Siç kemi raportuar, liderët e G7 po takohen për samitin vjetor në Gjermani këtë javë ku Ukraina është çështja kryesore për diskutim, përcjell Bota sot

Por ju mund të keni vënë re se nuk janë vetëm shtatë udhëheqësit e kombeve të industrializuara në takime.

Të pranishëm janë edhe dy përfaqësues nga BE: Presidentja e Komisionit Evropian Ursula von der Leyen dhe Presidenti i Këshillit Evropian Charles Michel.

Moska nuk ka arritur të përmbushë të paguajë këstin për mbi 40 miliardë dollarë borxhe, pasi sanksionet perëndimore kanë ndikuar në ekonominë e Rusisë.

Në anën tjetër, Kremlini e ka minimizuar lajmin, duke këmbëngulur se ka mjaftueshëm para për të paguar detyrimet kreditore.

Rusia ka hyrë pashmangshëm në një rrugë për të falimentuar që kur sanksionet ekonomike u vendosën për herë të parë nga Shtetet e Bashkuara të Amerikës dhe Bashkimi Evropian, pas agresionit ushtarak në Ukrainë.

Pagesa e interesit prej 100 milionë dollarësh duhej të paguhej më 27 maj. Rusia thotë se paratë ia kanë dërguar bankës Euroclear, por kjo pagesë ka mbetur pa u shpërndarë te kreditorët.

Analistët e investimeve kanë thënë se mospagimi i borxhit, megjithëse problematik për Kremlinin, nuk ka gjasa të shkaktojë probleme në tregjet botërore.

Shefja e Fondit Monetar Ndërkombëtar, Kristalina Georgieva këtë vonesë të Moskës e ka quajtur ngjarjen si “jo sistematikisht e rëndësishme”.

Rusia nuk ka qenë në gjendje falimentimi që nga Revolucioni i vitit 1917. Edhe pse shpërbërja e Bashkimit Sovjetik në vitet 1990 e solli atë pranë falimentimit, ndihma ndërkombëtare, veçanërisht nga Shtetet e Bashkuara, ishte në gjendje të ndihmonte Moskën të shmangte katastrofën totale financiare.

Kryeministri i Italisë, Mario Draghi, thotë se vendet e G7 janë të bashkuara me Ukrainën, sepse një humbje në luftën e saj kundër Rusisë do të ishte një humbje për të gjitha demokracitë.

“Ne jemi të bashkuar me Ukrainën, sepse nëse humbet Ukraina, humbin të gjitha demokracitë.

Nëse Ukraina humbet, do të jetë më e vështirë të argumentohet se demokracia është një model efektiv i qeverisjes”, citohet të ketë thënë Draghi në komentet e dërguara nga zyra e tij.

Institucionet shtetërore dhe private të Lituanisë janë goditur nga një sulm kibernetik i mohimit të shërbimit, ka thënë Qendra Kombëtare e Sigurisë Kibernetike e vendit baltik, përcjell Bota sot.

"Ka shumë të ngjarë që sulmet me intensitet të ngjashëm ose më të madh do të vazhdojnë në ditët në vijim, veçanërisht në sektorët e transportit, energjisë dhe financave," tha qendra në një deklaratë të raportuar nga Reuters.

Sulmi preku rrjetet e sigurta të përdorura nga institucionet shtetërore, shtoi ai.

Një grup hakerësh rus, Killnet, ka marrë përgjegjësinë.

Ai tha se sulmi është në përgjigje të Lituanisë që parandalon transferimin e mallrave ruse nëpër territorin e saj në enklavën ruse të Kaliningradit.

Agjentët e CIA-s thuhet se veprojnë në Ukrainë, duke mbledhur informacione për forcat e Kievit, përcjell Bota sot.

Ata thuhet se po orkestrojnë një operacion të shkëmbimit të inteligjencës midis SHBA dhe Kievit, sipas The New York Times.

Presidenti Joe Biden ka thënë publikisht se Shtëpia e Bardhë nuk do të vendosë asnjë trupë amerikane në vend.

Gazeta tha se disa dhjetëra komando nga vende të tjera të NATO-s, duke përfshirë Britaninë, Francën, Kanadanë dhe Lituaninë, kanë punuar gjithashtu brenda Ukrainës.

Rusia pretendon se raketa që goditi një bllok apartamentesh në sulmin e së dielës në Kiev ishte në fakt një raketë ukrainase që e goditi gabimisht, prëcjell Bota sot.

Ministria ruse e mbrojtjes thotë se ka lëshuar ato që i quajti katër raketa "me precizion të lartë" të lëshuar nga ajri, duke synuar një fabrikë që prodhon municione për Sistemet e Raketave të Shumëfishta Ukrainase. Dhe pretendon se të katër e kanë goditur atë objektiv.

Në sulm, një bllok banimi u godit, duke vrarë të paktën një person. Por Rusia pretendon se nuk është goditur nga një prej raketave të saj.

"Regjimi i Kievit u përpoq të kapte raketa ruse me precizion të lartë me mjetet e mbrojtjes ajrore të vendosura në qytet. Ekuipazhet e sistemit të mbrojtjes ajrore të Ukrainës S-300 dhe Buk-M1 kishin lëshuar mbi 10 raketa të mbrojtjes ajrore," thotë Ministria e Mbrojtjes së Rusisë në një deklaratë. .

“Për shkak të mungesës së ndërveprimit ndërmjet rampave të lëshimit të sistemeve të mbrojtjes ajrore dhe objekteve elektronike të vendosura në zonat e banuara, dy raketa të mbrojtjes ajrore S-300 janë kapur nga sistemet ukrainase Buk.

"Një nga raketat e kapura të mbrojtjes ajrore me sa duket ka rënë [mbi] një ndërtesë banimi."

Ukraina thotë se raketat ruse u lëshuan nga bombarduesit Tupolev mbi Detin Kaspik, rreth (1,450 km) nga Kievi.

Nuk ka pasur asnjë përgjigje të menjëhershme nga Ukraina ndaj pretendimeve të fundit ruse - por ato ka të ngjarë të mohohen fuqishëm.

Kemi folur për një mbështetje ndaj Ukrainës dhe faktit se, me masa të ashpra, do të bëjmë gjithçka të jetë e mundur për ta mbështetur atë, por ne kemi theksuar gjithashtu faktin se duhet të shmangim një konflikt mes NATO-s dhe Rusisë, deklaroi sot kancelari gjerman, Olaf Scholz në samitin e G7-ës.

”Së pari nuk duhet të biem në kurthin e vendosur nga presidenti Putin për të supozuar se bota është e ndarë mes pjesës së saj perëndimore dhe gjithë vendeve të tjera”, deklaroi kancelari Olaf Scholz para liderëve të Argjentinës, Indisë, Indonezisë, Senegalit dhe Afrikës së Jugut, në ditën e dytë të samitit të G7-ës.

”Demokracitë ekzistojnë në të gjithë botën dhe kanë perspektiva të ngjashme”, shtoi Scholz.

“Lufta përfshin pasoja të njëjta në të gjithë planetin. Shumë vende kanë frikë nga një krizë e lidhur me urinë dhe rritjen masive të çmimeve të energjisë. Në këtë kaos duhet të qëndrojmë të gjithë së bashku dhe të solidarizohemi”, përfundoi ai. 

Pas fjalimit të Presidentit ukrainas, Volodymyr Zelensky në samitin e G7-ës, liderët kanë lëshuar një deklaratë të përbashkët duke premtuar mbështetjen e tyre të vazhdueshme për Ukrainën.

“Ne do të vazhdojmë të ofrojmë mbështetje financiare, humanitare, ushtarake dhe diplomatike dhe do të qëndrojmë me Ukrainën për aq kohë sa të duhet.

Ndërsa e bëjmë këtë, ne angazhohemi të demonstrojmë përgjegjësi dhe solidaritet global duke punuar për të adresuar ndikimet ndërkombëtare të agresionit të Rusisë, veçanërisht tek më të cenuarit”, thanë ata.