3 të vrarë dhe 1 i plagosur nga shpërthimi i tubacionit të gazit në rajonin Chuvashia të Rusisë
Të paktën tre persona u vranë dhe një tjetër u plagos në një shpërthim të tubacionit të gazit në rajonin Chuvashia të Rusisë, sipas shërbimeve lokale të urgjencës.
Incidenti ndodhi 50 kilometra (31 milje) në jug të qytetit të Cheboksary , kryeqyteti i rajonit Chuvashia, pasi një rrjedhje gazi u regjistrua në tubacionin nëntokësor të gazit.
Të katërt personat ishin të angazhuar në punët e mirëmbajtjes në tubacion.
OBSH: Rreth 10 milionë njerëz në Ukrainë, mund të vuajnë nga çrregullimet e shëndetit mendor për shkak të konfliktit
Një zyrtar i Organizatës Botërore të Shëndetësisë tha se 10 milionë njerëz, ose rreth një e katërta e popullsisë së Ukrainës, mund të vuajnë nga një çrregullim i shëndetit mendor në lidhje me konfliktin atje.
“OBSH vlerëson se deri në 10 milionë njerëz janë në rrezik nga një formë e një çrregullimi mendor, që varion nga ankthi dhe stresi në kushte më të rënda,” tha Jarno Habicht , përfaqësuesi i OBSH-së në Ukrainë në një konferencë për shtyp në Gjenevë përmes lidhjes video.
Kushtet më të rënda përfshijnë çrregullimin e stresit post-traumatik (PTSD) të shkaktuar nga ngjarje shqetësuese. Rastet po rriten pas 10 muajsh konflikti, duke bërë që një agjenci e veçantë e OKB-së të nisë shërbimet e mbështetjes online.
Sistemi i kujdesit shëndetësor i Ukrainës ka qenë nën presion që kur Rusia nisi luftën në shkurt. Deri më tani, ka pasur të paktën 700 sulme në sistemin e saj të kujdesit shëndetësor, tregojnë të dhënat e OBSH-së, dhe rritja e sulmeve të Rusisë në infrastrukturën kritike që nga tetori i ka shtuar sfidat duke shkaktuar ndërprerje.
Moska mohon të ketë shënjestruar civilët në atë që e quan një operacion special ushtarak në Ukrainë.
Habicht tha se sëmundjet e frymëmarrjes do të rriteshin me motin e ftohtë dhe ngrohjen e pamjaftueshme, si dhe aksidentet automobilistike të shkaktuara nga rrugët e pandriçuara për shkak të ndërprerjeve të energjisë elektrike.
“Sistemi shëndetësor është duke funksionuar. Por pasi janë 10 muaj është një stres i madh,” tha ai. “Ne po shohim vazhdimisht sfida të reja.
Zelensky planifikon sot vizitë në SHBA, mediat: Mund të takohet me Presidentin Biden
Presidenti i Ukrainës, Volodymyr Zelensky po planifikon të vizitojë Uashingtonin të mërkurën dhe mund t’i drejtohet Kongresit amerikan, thonë raportet.
Do të ishte udhëtimi i tij i parë jashtë vendit që nga pushtimi rus në shkurt, bën të ditur BBC.
Zelensky gjithashtu mund të takohet me Presidentin Joe Biden, thanë zyrtarë të paidentifikuar për mediat amerikane. Nuk ka asnjë konfirmim zyrtar për vizitën apo planet.
Udhëheqësi ukrainas pret rregullisht liderë të huaj në kryeqytetin, Kiev, dhe ka vizituar trupat në Ukrainë.
Ai është vlerësuar gjerësisht për udhëheqjen e tij pasi vendi i tij është goditur nga fqinji më i fuqishëm i udhëhequr nga presidenti Vladimir Putin.
Ukraina ka marrë mbështetje masive ushtarake nga vendet perëndimore – me SHBA-të që luajnë një rol udhëheqës.
Për sa i përket shpenzimeve të përgjithshme për mbështetjen e drejtpërdrejtë ushtarake që nga fillimi i konfliktit, SHBA-ja ka dhënë 18.5 miliardë dollarë (15.1 miliardë paund), shumë më tepër se çdo vend tjetër individual (deri më 20 nëntor).
