Luftime të ashpra me agresorin rus/ OKB ndihmon Ukrainën, edhe një shtet ia kthen shpinën Putinit

Raketat ruse kanë sulmuar një fabrikë riparimi avionësh në Lviv, në Ukrainën perëndimore.

Kjo është bërë e ditur nga forcat ajrore të Ukrainës.

Kryetari i bashkisë së Lvivit tha se raketat ruse kishin sulmuar zonën pranë aeroportit, duke goditur një ndërtesë të fabrikës së riparimit të avionëve, por jo vetë aeroportin.

Ai njoftoi se fabrika kishte pushuar së punuari dhe askush nuk u lëndua, raporton BBC.

Forcat ajrore të Ukrainës janë goditur rëndë nga pushtimi rus, ndërsa humbjet ushtarake janë të vështira për t’u llogaritur. Pentagoni ka thënë se pak më shumë se gjysma e avionëve luftarakë të Ukrainës janë ende operacionalë në krahasim me totalin e paraluftës.

Presidenti amerikan Joe Biden i sqaroi presidentit të Kinës Xi Jinping në një telefonatë të premten "implikimet dhe pasojat" nëse Pekini ofron mbështetje materiale për Rusinë ndërsa ajo sulmon qytetet dhe civilët ukrainas, tha Shtëpia e Bardhë.

"Presidenti nënvizoi mbështetjen e tij për një zgjidhje diplomatike të krizës. Dy udhëheqësit ranë dakord gjithashtu për rëndësinë e mbajtjes së linjave të hapura të komunikimit, për të menaxhuar konkurrencën midis dy vendeve tona," tha Shtëpia e Bardhë në një deklaratë.

Biseda u fokusua në pushtimin e paprovokuar të Ukrainës nga Rusia. Presidenti Biden thuhet në deklaratë theksoi pikëpamjet e Shteteve të Bashkuara dhe aleatëve dhe partnerëve për këtë krizë. Presidenti Biden detajoi përpjekjet për të parandaluar dhe më pas për t'iu përgjigjur sulmit, duke përfshirë edhe vendosjen e kostove ndaj Rusisë.

Lajmin e plotë lexojeni KETU

Gjithsej 9,145 njerëz u evakuuan nga qytetet e Ukrainës përmes korridoreve humanitare të premten, tha një zyrtar i lartë. Ky është një përmirësim në krahasim me një ditë më parë kur u evakuuan pak më shumë se 3,800 njerëz.

Zëvendësshefi i Shtabit të Presidentit të Ukrainës, Kirilo Tymoshenko, tha se 4,972 njerëz ishin larguar nga Mariupoli, qytet ky i rrethuar.

Rreth 400,000 njerëz janë bllokuar në qytetin strategjik për më shumë se dy javë.

Më shumë se 3.9 milionë njerëz janë larguar nga Ukraina që nga fillimi i pushtimit rus më 24 shkurt.

Luftimet në Ukrainë, kanë arritur në qendrën e qytetit jugor të Mariupolit.

Kjo është konfirmuar nga të dyja palët, ku shumë civilë janë ende të bllokuar dhe më shumë se 80 përqind e ndërtesave të banimit ose janë dëmtuar ose shkatërruar.

Presidenti ukrainas, Volodimir Zelensky tha se vetëm 130 njerëz janë shpëtuar nga bodrumi i teatrit të qytetit, i cili u bombardua të mërkurën, ndërkaq rreth 1 mijë e 300 thuhet se janë ende brenda.

Ka raportime për viktima masive pas një sulmi me raketa në një kazermë të ushtrisë ukrainase në qytetin jugor të Mykolaiv, kjo vjen pasi OKB thotë se të paktën 816 civilë janë vrarë deri më tani, raporton BBC.

Po vazhdojnë edhe negociatat ruso-ukrainase, ku Moska pretendon se janë “në gjysmë të rrugës” por, Ukraina thotë se pozicioni i tyre mbetet i pandryshuar,

Presidenti rus, Vladimir Putin u është drejtuar dhjetëra mijëra rusëve, në një tubim në Moskë për të festuar tetë vjetorin e aneksimit të Krimesë.

Ndërkaq, Presidenti ukrainas thotë se ka folur me shefen e Komisionit të BE-së, Ursula von der Leyen dhe ai pret përparim të shpejtë në aplikimin e Ukrainës për anëtarësim të shpejtë në BE.

Asnjë nga armët që Shtetet e Bashkuara po i dërgojnë Ukrainës nuk mund të përdoren për të nisur një sulm ndaj një vendi tjetër.

Kështu tha Shtëpia e Bardhë të premten.

Ajo theksoi se ato janë të destinuara për qëllime mbrojtëse.

Presidenti Joe Biden mori vendim për t'i dërguar armë Ukrainës, e cila qe tri javë ndodhet nën pushtimin rus.

Presidenti i SHBA Joe Biden tha për CNN se telefonata e tij me presidentin kinez Xi Jinping të premten "shkoi mirë". Sipas Shtëpisë së Bardhë, Biden "përshkroi implikimet dhe pasojat nëse Kina ofron mbështetje materiale për Rusinë" në një telefonatë gati dy orëshe me liderin e Kinës, transmeton Bota sot.

“Presidenti nënvizoi mbështetjen e tij për një zgjidhje diplomatike të krizës”, tha Shtëpia e Bardhë. Shtëpia e Bardhë shtoi se të dy udhëheqësit "gjithashtu ranë dakord për rëndësinë e mbajtjes së linjave të hapura të komunikimit".

Pjesa më e madhe e diskutimit të tyre u përqëndrua në luftën në Ukrainë dhe implikimet që kriza do të kishte si në marrëdhëniet SHBA-Kinë ashtu edhe në "rendin ndërkombëtar", tha zyrtari.

Biden dha një vlerësim të veprimeve të presidentit rus Vladimir Putin në konfliktin e tij me Ukrainën, tha zyrtari, dhe "i bëri të qartë" implikimet dhe pasojat e ndihmës së mundshme të Rusisë në luftën e saj.

Agjencia për Migracion e Kombeve të Bashkuara tha të premten se rreth 6.5 milionë njerëz janë zhvendosur brenda Ukrainës, derisa 3.2 milionë të tjerë tashmë janë larguar nga vendi.

Kjo do të thotë se rreth një e katërta e 44 milionë njerëzve të Ukrainës janë detyruar të largohen nga shtëpitë e tyre.

Vlerësimet nga Organizata Ndërkombëtare për Migracionin thonë se Ukraina mund të arrijë në vetëm pak javë nivelin e zhvendosjes së popullatës që kishte ndodhur si pasojë e luftës shkatërruese në Siri, ku rreth 13 milionë njerëz ish zhvendosur nga shtëpitë e tyre si brenda ashtu edhe jashtë vendit./REL

Lexoni lajmin e plotë KËTU.

Presidenti francez, Emmanuel Macron, i kërkoi të premten Presidentit rus Vladimir Putin të heq rrethimin në qytetin ukrainas të Mariupolit, të lejojë qasjen humanitare dhe të urdhërojë një armëpushim të menjëhershëm, tha zyra e presidentit francez. 

Presidenti Macron foli me homologun e tij rus në telefon për 70 minuta. Më herët gjatë ditës, Presidenti Putin zhvilloi një bisedë me Kancelarin gjerman Olaf Scholz, i cili gjithashtu I bëri presion për një armëpushim të menjëhershëm. 

Zoti Macron, i cili ka folur shumë herë me udhëheqësin rus Vladimir Putinin, ripërsëriti ankesat për sulmet e vazhdueshme ndaj civilëve dhe dështimin e Rusisë për të respektuar të drejtat e njeriut në Ukrainë, tha Pallati presidencial Elysee. 

Ai tha se Presidenti Putin, nga ana tjetër, fajësoi Ukrainën për luftën. 

Presidenti Macron, i cili po bën fushatë për të rinovuar mandatin e tij në zgjedhjet e prillit, tha gjatë një takimi të stilit të fushatës pak përpara telefonatës, se ai flet me Putinin sepse beson se ka një rrugë drejt paqes, mes rezistencës ukrainase, sanksioneve të ashpra perëndimore dhe atyre diplomatike. "Ne duhet të bëjmë gjithçka për ta gjetur atë zgjidhje," tha ai./VOA

Ushtria ukrainase po vazhdon të fitojë beteja të rëndësishme kundër pushtuesit rus.

Në disa pamje të publikuara sot nga Shtabi i Përgjithshëm i Forcave të Armatosura të Ukrainës, shihet se ata kanë shkatërruar teknologjinë e armikut.

Madje kanë vrarë edhe ushtarë rusë, përcjell Bota sot.

"Puna luftarake e trupave të Ukrainës.

Teknologjia e armikut e shkatërruar bashkë me përbërjen personale! 🔥

Lavdi Ukrainës!", shkruan Shtabi i Përgjithshëm i Forcave të Armatosura të Ukrainës në Facebook.

Mykhailo Podolyak, një këshilltar i presidentit ukrainas dhe një anëtar i ekipit negociator, ka akuzuar deklaratat ruse për bisedimet e paqes për përpjekje "për të provokuar tension në media", shkruan BBC, transmeton Bota sot.

“Pozicionet tona janë të pandryshuara”, shkroi ai sot në Twitter.

“Armëpushimi, tërheqja e trupave dhe garanci të forta sigurie me formula konkrete”.

Komentet e Podolyak vijnë pasi një anëtar i ekipit negociator të Rusisë, Vladimir Medinsky, tha se Moska dhe Kievi janë më të lidhur me neutralitetin e Ukrainës dhe heqjen dorë nga bashkimi me NATO-n.

Medinsky tha se Moska dhe Kievi janë "në gjysmë të rrugës" për të rënë dakord për çështjen e çmilitarizimit të Ukrainës, duke shtuar se të dyja palët po diskutonin nuancat e garancive të sigurisë nëse Ukraina nuk përpiqet më të bashkohet me aleancën e NATO-s, raportoi agjencia e lajmeve Interfax.