Ushtarët rusë përjetojnë ‘tmerrin’, pa bukë, pa karburante – fillojnë të largohen nga lufta në Ukrainë

Shfaqja e mijëra të huajve vullnetarë që luftojnë për Ukrainën kundër forcave ruse ka marrë reagime shumë të ndryshme nga qeveritë e vendeve të tyre.

Disa prej tyre janë edhe nga vetë Rusia dhe aleatja e saj Bjellorusia.

Tre kategoritë kryesore të reagimeve të indentifikuara nga Zëri i Amerikës janë: qeveritë perëndimore që u japin miratimin e nënkuptuar apo të hapur shtetasve të tyre për të ndihmuar Ukrainën të vetëmbrohet; qeveritë aziatike që urdhërojnë shtetasit e tyre të mos bëhen pjesë e luftimeve; si dhe autoritetet ruse dhe bjelloruse që kanë denoncuar shtetasit e tyre që luftojnë përkrah Ukrainës dhe i kanë kërcënuar me ndëshkime të rënda.

Në vlerësimin e saj më të fundit, ministria e jashtme ukrainase tha në 6 mars se "rreth 2 mijë veteranë (ushtarakë) dhe vullnetarë" kanë aplikuar për t'u anëtarësuar në Legjionin Ndërkombëtar të Mbrojtjes së Ukrainës.

Zyrtarët ukrainas nuk kanë thënë se sa prej këtyre aplikantëve ndodhen brenda vendit, por ministria ukrainase e mbrojtjes tha se personat që kishin mbërritur deri më 11 mars kishin qenë nga mbi 50 vende.

Lajmin e plotë mund ta lexoni KËTU.

Sekretari amerikan i Shtetit Antony Blinken bisedoi sot me sekretarin e Përgjithshëm të NATO-s, Jens Stoltenberg mbi përpjekjet aktuale për të përcaktuar krahun lindor të Aleancës, tha zëdhënësi i Departamentit të Shtetit, Ned Price.

Blinken përsëriti se ekziston nevoja për një përgjigje të fortë dhe të bashkuar transatlantike ndaj qeverisë ruse në luftën kundër Ukrainës dhe përshëndeti punën mbi forcimin e mbrojtjes së NATO-s.

Sekretari amerikan përsëriti se Shtetet e Bashkuara mbështesin fuqimisht sovranitetin dhe integritetin territorial të Ukrainës për shkak të, siç tha ai, "luftës brutale të zgjedhur nga presidenti rus Vladimir Putin".

Të dy diskutuan gjithashtu rëndësinë e ndihmës humanitare dhe të sigurisë të ofruar nga anëtarët e NATO-s për Ukrainën, tha Price në një deklaratë të lëshuar nga Departamenti i Shtetit.

Luksi i pështirë që ka shijuar Vladimir Putin në bordin e superjahtit të tij prej 500 milionë funtesh është zbuluar sot nga The Sun – duke përfshirë mbajtëset pa shije të tualetit prej ari, përcjell “Bota sot”

Vladimiri i “zemëruar”, forcat e të cilit po bombardojnë gra dhe fëmijë në Ukrainë, nuk kurseu asnjë kacidhe në Scheherazaden e tij me gjashtë kuvertë.

Presioni është në rritje ndaj Italisë, ku është ankoruar jahti, për ta kapur dhe shitur në mënyrë që të përfitojnë ukrainasit.

Një ish-anëtar i ekuipazhit tha: "Populli rus pagoi për të. Duhet koka e Putinit për të larë këtë fron të artë.”

Kostoja zyrtare e Scheherazade kur përfundoi dy vjet më parë ishte 700 milionë dollarë – por burime nga brenda thonë se mund të jetë më afër 1 miliard dollarëshit.

Fotografitë e marra nga The Sun tregojnë gjashtë kuverta luksi dhe një punëtor që ndihmoi në ndërtimin e tyre tha: “Gjithçka në bord është më e mira në botë, përcjell "Bota sot".

Materialin e plotë e gjeni këtu

Sekretarja e Jashtme britanike Liz Truss dhe ministri i Jashtëm i Ukrainës Dmytro Kuleba kanë zhvilluar sonte një bisedë telefonike, njofton Sky News.

Truss tha se Londra zyrtare dhe aleatët e saj do të rrisin presionin ekonomik mbi regjimin e presidentit rus Vladimir Putin.

Diskutimet Truss-Kuleba vijnë mes raporteve se aleatët perëndimorë po shqyrtojnë nëse Rusia duhet të mbetet në grupin G20 të ekonomive kryesore.

G20 është një platformë kyçe për koordinimin e përgjigjeve ndaj çështjeve, duke përfshirë ndryshimet klimatike.

Ngjarjet kryesore që ndodhën në ditën e 27-të të luftës në Ukrainë:

Zyrtarët ukrainas në Mariupol thanë se ky qytet i rrethuar, po vazhdon të jetë cak i bombardimeve të vazhdueshme, teksa luftimet në rrugët e Mariupolit po vazhdojnë. Presidenti ukrainas, Volodymyr Zelensky, tha se nuk ka “mbetur asnjë” në Mariupol, “vetëm rrënoja”

Presidenti amerikan, Joe Biden, do të udhëtojë në Evropë të mërkurën për të biseduar me liderët e NATO-s dhe BE-së për luftën në Ukrainë. Gjatë kësaj vizite, është paralajmëruar se do të prezantohen sanksione të reja ndaj Rusisë

Zëdhënësi i Kremlinit, Dmitry Peskov, tha se Rusia mund të përdorë armë bërthamore vetëm nëse ka një kërcënim ekzistencial ndaj shtetit. Presidenti amerikan, Joe Biden, paralajmëroi se presidenti rus, Vladimir Putin, mund të jetë duke u përgatitur që në luftën në Ukrainë të përdorë armë kimike dhe biologjike

Banorët e qytetit të rrethuar të Mariupolit po përballen me kushte të rënda, teksa nuk kanë qasje në ujë, ushqim, rrymë dhe ilaçe. Kryediplomati grek, Nikos Dendias, propozoi që ai të udhëheqë një mision për dërgimin e ndihmës humanitare në këtë qytet, dhe tha se ai është i gatshëm që personalisht të marrë pjesë në dërgimin e kësaj ndihme

Presidenti ukrainas, Volodymyr Zelensky, bisedoi me Papa Françeskun dhe sugjeroi që Vatikani mund të luajë rol ndërmjetësues në përfundimin e luftës.

Ukraina pretendoi se ka vrarë mbi 15,000 ushtarë rusë që prej fillimit të luftës.

Një veteran britanik ka evakuuar një luan dhe një ujk nga Ukraina e shkatërruar nga lufta duke i futur në pjesën e pasme të një furgoni.

Sipas një raporti nga Metro, Tim Locks ndërmori udhëtimin 2600 milje nga Lviv, në Ukrainën perëndimore, në një kopsht zoologjik të mbyllur që ishte brenda 20 km nga vija e frontit.

"Kjo është gjëja më e vështirë që më është dashur të bëj ndonjëherë, për sa i përket qëndrueshmërisë," i tha zoti Locks organizatës së lajmeve, përcjell "Bota sot".

Ai përfundoi shpëtimin me mikun e tij Jonathan Weaving, duke udhëtuar me kafshët në pjesën e pasme të një Ford Transit për në Rumani, ku krijesat tani janë siguruar me siguri.

Locks, i cili shërbeu në Irak, tha se udhëtimi përfshinte kalimin përmes pikave të kontrollit, kontrolleve kufitare dhe logjistikës komplekse për të shpëtuar kafshët.

Lufta në Ukrainë ka nisur gati që një muaj, me konflikt të drejtpërdrejtë që zvarritet në kryeqytetin e Kievit.

Ndërsa Rusia përpiqet të arrijë një fitore në Ukrainë – vëmendja është kthyer te historia dhe gjendja shpirtërore e presidentit rus, Vladimir Putin.

Shumë kanë pohuar se ai është tërhequr në komoditetin e izolimit për shkak të pandemisë së koronavirusit, e cila ka ndikuar në proceset e tij mendore – por profilisti psikologjik ekspert Aubrey Immelman tha për Express.co.uk se ajo që shohim sot është karakteristikë e personalitetit të Putinit, përcjell "Bota sot".

Të tjerë u janë drejtuar arkivave për të gjetur informacione rreth jetës private të Putinit në një përpjekje për të vlerësuar ngjarjet që kanë çuar deri te ky pushtimi.

Putini ka qenë shumë i ‘fshehtë’ për jetën e tij dhe të familjes së tij, me pak informacion të disponueshëm.

Lexo lajmin e plotë KËTU.

Presidenti ukrainas, Volodymyr Zelensky, do t’i adresohet gjatë kësaj jave samitit të liderëve të NATO-s që do të mbahet në Bruksel, raportoi Interfax Ukraine.

Kjo agjenci e lajmeve ka cituar zëdhënësin e Zelenskyt, Serhiy Nykyforov, të ketë thënë se Ukraina do të “marrë pjesë në mënyrë aktive” në samit, i cili do të mbahet më 24 mars.

“Së paku, ky do të jetë një adresim i presidentit, dhe në më së shumti mund të jetë pjesëmarrje e plotë, natyrisht përmes video-formatit”, tha Nykyforov.

“Formati i pjesëmarrjes do të bëhet i ditur në ditët në vijim”, shtoi ai.

Nykyforov tha se Zelensky do të flas për nevojën e ndaljes së krimeve të luftës së Rusisë kundër civilëve ukrainas dhe infrastrukturës joushtarake.

“Kjo mund të bëhet në disa mënyra – duke mbyllur qiellin, duke i ofruar Ukrainës mbrojtje të fuqishme ajrore dhe aviacion... Ata nuk do të flasin për formate të reja të sigurisë për Ukrainën”, shtoi ai.

Gjatë ditëve të fundit, Zelensky i është adresuar përmes video-lidhjes parlamenteve dhe institucioneve ligjvënëse të shumë shteteve përfshirë të Shteteve të Bashkuara, Kanadasë, Gjermanisë, Izraelit dhe Italisë. Ai po ashtu pritet të mbajë fjalim para Asamblesë Kombëtare të Francës./REL

Derisa kompanitë e huaja largohen nga Rusia, për shkak të luftës në Ukrainë, ato përballen me mundësinë që Ligji rus i falimentimit të përdoret për të sekuestruar asetet e tyre, e madje edhe për t’i ndëshkuar ato.

Në Shtetet e Bashkuara, ligjet e falimentimit janë të hartuara në atë mënyrë që kompanive në borxhe iu ofrojnë mundësinë e një fillimi të ri. Kompanitë që përballen me vështirësi në SHBA, zakonisht hyjnë me vetëdëshirë në falimentim, pasi ligji u lejon të mbajnë menaxhimin dhe kontrollin ekzistues mbi asetet e tyre.

Por, ligji rus u jep përparësi nevojave të kreditorëve. Kjo do të thotë se kreditorët, përfshirë Qeverinë ruse, mund ta detyrojnë një kompani të shkojë në falimentim të pavullnetshëm dhe ta përzënë udhëheqësinë e saj.

Disa ekspertë ligjorë thonë se kompanitë e huaja kanë frikë se kreditorët rusë mund të abuzojnë me këtë proces, për të instaluar liderë që janë të gatshëm t’iu shesin asetet e tyre rivalëve të biznesit ose kompanive të lidhura me Qeverinë ruse.

Lajmin e plotë mund ta lexoni KËTU.

Departamenti Amerikan i Mbrojtjes ka thënë se nuk është në gjendje të konfirmojë informacionet që Ukraina ka marrë përsëri kontrollin e një periferie kyçe të Kievit.

Më herët sot, ministria e mbrojtjes e Ukrainës tha se trupat kishin shtyrë forcat ruse nga Makariv, i cili është rreth 60 km (37 milje) në perëndim të kryeqytetit ukrainas, shkruan Sky News, përcjell "Bota sot".

Ministra njoftoi se ata kishin rifituar kontrollin pas një beteje të ashpër dhe kishin marrë gjithashtu një autostradë të rëndësishme.

Pavarësisht se Pentagoni tha se nuk mund t'i konfirmojë pretendimet, ai deklaroi se ka parë indikacione se ukrainasit po shkojnë në ofensivë, veçanërisht në jug të vendit.