Me pengesat e fundit në vend, zyrtarët rusë kanë thënë se fokusi i forcave të saj tani është "çlirimi i plotë" i Donbasit, raporton BBC, transmeton Bota sot.
Donbasi i referohet gjerësisht rajoneve lindore të Ukrainës, Donetsk dhe Luhansk, ku separatistët e mbështetur nga Rusia mbanin territor të rëndësishëm përpara pushtimit të Rusisë.
Analistët thonë se forcat ruse në rajon po përpiqen të rrethojnë trupat ukrainase atje duke përparuar nga Kharkiv në veri dhe Mariupol nga jugu.
Por forcat ukrainase kanë zmbrapsur disa sulme të fundit, veçanërisht rreth qytetit të Rubizhne, dhe forcat ruse nuk kanë arritur të bëjnë ndonjë përfitim të rëndësishëm kohët e fundit, sipas ISW.
Humbjet e tmerrshme të Rusisë/ Ukraina publikon numrin e ushtarëve rusë të vrarë
Gresa Bajraktari
Në momentet e fundit, Ukraina ka dhënë përditësimin e saj të fundit mbi numrin e humbjeve që ka pësuar Rusia që nga fillimi i luftës.
Ai pretendon se 17,700 trupa ruse janë vrarë dhe 1,751 automjete të blinduara të personelit janë shkatërruar, raporton Sky News, përcjell Bota sot.
Pajisjet e tjera ushtarake që janë zhdukur përfshijnë 131 helikopterë, 625 tanke dhe 143 avionë.
Duhet të theksohet se Sky News nuk ka mundur të verifikojë në mënyrë të pavarur këto pretendime.
Javën e kaluar, Rusia pretendoi se 1,351 nga trupat e saj kishin vdekur duke luftuar në Ukrainë - një pjesë e 15,000 e vlerësuar nga NATO.
Guvernatori lokal: Forcat ruse po largohen nga Çernihivi
Forcat ruse janë duke u tërhequr nga rajoni i Çernihivit, mirëpo ende jo krejtësisht, ka thënë guvernatori lokal, Viacheslav Chaus.
“Sulmet ajrore dhe ato me raketa janë ende të mundshme në rajon, askush nuk e përjashton këtë mundësi”, ka raportuar agjencia e lajmeve, Reuters.
Ai ka shtuar se forcat ukrainase janë duke hyrë nëpër zonat e kontrolluara së fundi nga trupat ruse.
Chaus ka thënë se ende është shumë herët që forcat ukrainase të mos bëjnë roje, pasi trupat ruse “janë ende në tokën tonë”.
Rusia ka thënë të martën se do të zvogëlojë operacionet rreth Çernihivit dhe kryeqytetit ukrainas, Kievit, në përpjekje për të “rritur besimin e përbashkët” në bisedimet për paqe.
Kremlini: Sulmi në depon e naftës do të vështirësojë bisedimet
Kremlini është deklaruar të premten për një sulm të dyshuar ukrainas në një depo nafte në qytetin e Rusisë, Belgorod.
Sipas Kremlinit, sulmi nuk krijon kushte të përshtatshme për të vazhduar bisedimet për paqe, transmeton agjencia e lajmeve, Reuters.
Në një video të shpërndarë në rrjetet sociale është parë zjarri afër disa blloqeve të ndërtesave, rreth 40 kilometra larg kufirit me Ukrainën.
Guvernatori lokal, Vyacheslav Gladkov, ka thënë se “ka pasur zjarr në një depo të naftës për shkak të sulmit ajror të kryer nga dy helikopterë ushtarakë ukrainas”.
“Askush nuk është vrarë”, ka thënë ai.
Pretendimet e guvernatorit Gladkov nuk janë konfirmuar nga zyrtarët ukrainas.
Ministri britanik i mbrojtjes: Putin nuk është më fuqi, por njeri që vetvetes ia ka ndërtuar kafazin
Rusia tash është “ vend i vogël” pas invadimit që bëri në Ukrainë, ka deklaruar ministri britanik i mbrojtjes Ben Volas ka njoftuar “Sky news” , transmeton “Bota Sot”.
Volas duke fol për agjencinë e njohur “Sky news” ka vlerësuar se presidenti i Rusisë Vladimir Putin “ nuk është më fuqi sikur që ishte, por një njeri që vetvetes ia ka ndërtuar kafazin”
"Ushtria e tij është e raskapitur, ka pësuar humbje të rëndësishme. Reputacioni i ushtrisë së madhe ruse u shkatërrua . Ai duhet , jo vetëm të jetojë me pasojat e gjithë kësaj që po bënë në Ukrainë, por do t`i duhet edhe të jetojë pasojat e asaj që ia ka bërë armatës së vetë” tha Volas.
Ministri britanik ka deklaruar se siç duket ushtria ruse po ri-pozicionohet dhe po largon fokusimin kah jugu dhe lindja e Ukrainës.
"Këtë tashmë e kemi parë më herët. Përherë bëhet më vështirë. Ka më shumë sulme ndaj civilëve dhe rajoneve ku janë të vendosur civilët” ka shtuar ai, transmeton BBC./F.B.
A mund të sjellë paqe "modeli i Austrisë"?
Ajo që deri vonë është parë si ambicie kryesore e Ukrainës, mund të flaket tutje.
Vendi i rrënuar nga pushtimi rus është zotuar se do të heqë dorë nga anëtarësimi në ndonjë aleancë ushtarake, nëse i ofrohen garanci për sigurinë.
Një Ukrainë neutrale është ajo që Rusia e do, por çfarë do të thotë neutraliteti dhe a mund të çojë në paqe?
Lavrov jep lajmin e mirë për bisedimet me Ukrainën
Siç kemi raportuar, ministri i jashtëm rus Sergei Lavrov po zhvillon bisedime me homologun e tij indian Subrahmanyam Jaishankar si pjesë e përpjekjeve për të forcuar lidhjet me vendin.
Duke folur në një konferencë pas bisedimeve, Lavrov tha se ishte bërë përparim në bisedimet e paqes me Ukrainën, sipas agjencisë së lajmeve Reuters, përcjell “Bota sot”.
Ai tha se Moska po përgatit përgjigjen e saj ndaj propozimeve të Ukrainës, të cilat përfshijnë ofertën e Kievit për t'u bërë neutral në këmbim të garancive të sigurisë.
Lavrov tha se Kievi kishte treguar "shumë më shumë mirëkuptim" për situatën në Krime, e cila u aneksua nga Rusia në 2014, dhe rajonin e Donbasit në Ukrainën lindore, i cili është kryesisht nën kontrollin rus, si dhe domosdoshmërinë e statusit neutral të Ukrainës./M.H.
Miratohet plani i Kryqit të Kuq për evakuimet në Mariupol
Komiteti Ndërkombëtar i Kryqit të Kuq, ka thënë se është miratuar plani i tij për evakuime nga Mariupoli nga “autoritetet e nivelit të lartë” të Ukrainës dhe Rusisë, ka raportuar agjencia e lajmeve, Reuters.
Organizata shpreson që evakuimet mund të ndodhin të premten dhe planifikon të udhëheqë 54 autobusë ukrainas dhe makina private në një konvoj jashtë qytetit të rrethuar.
Mirëpo Kryqi i Kuq nuk ka siguruar leje për ndihmë humanitare, dhe është nisur pa furnizime.
Zëdhënësi i Kryqit të Kuq, Ewan Watson ka thënë para gazetarëve në Gjenevë se “përpjekjet kanë qenë dhe janë jashtëzakonisht komplekse”.
Ai ka thënë se “mijëra njerëz” synohet të largohen të sigurt nga qyteti.
Lavrov: Rusia “vlerëson përgjigjen e Indisë” për luftën në Ukrainë
Ministri i Jashtëm rus, Sergei Lavrov është në Indi, në kuadër të përpjekjeve për të fuqizuar lidhjet me Delhin.
Në një deklaratë të lëshuar para takimeve me homologun e tij indian, Subrahmanyam Jaishankar, Lavrov ka thënë se Rusia vlerëson përgjigjen e Indisë ndaj luftës në Ukrainë, sipas agjencisë së lajmeve, Reuters.
“Ne e vlerësojmë që India është duke e analizuar këtë situatë në tërësinë e fakteve dhe jo vetëm në mënyrë të njëanshme”, ka thënë Lavrov.
India nuk e ka kritikuar Rusinë për pushtim të Ukrainës.
Ajo ka tentuar të ecë nëpër një litar diplomatik, teksa tenton të balancojë lidhjet e Moskës me Perëndimin.
Edhe Sekretarja e Jashtme britanike, Lizz Truss është në Indi me qëllim të forcimit të lidhjeve mes dy shteteve.
Bombarduesi bërthamor amerikan fluturon pranë kufirit rus/ Kundëpërgjigjje rrëqethëse për Putinin, pas dërgimit të avionëve bërthamor në Suedi
Mimozë Lakna
Një bombardues bërthamor amerikan u pa duke fluturuar pranë kufirit rus në një mesazh rrëqethës për Vladimir Putin, shkruan media britanike The Sun transmeton “Bota sot”.
Paralajmërimi vjen pasi tirani rus thuhet se dërgoi bombardues të armatosur me armë bërthamore në Suedi, të cilët u kapën nga avionët luftarakë.
Sipas të dhënave të Flightradar, B-52H Stratofortress u ngrit dje (e enjte) nga aeroporti Cotswold.
Mediat suedeze raportuan të mërkurën se katër avionë luftarakë të Vladimir Putinit u panë mbi Balltik drejt ishullit Gotland.
TV4, Expressen dhe Aftonbladet të gjithë raportuan se bëhej fjalë për dy avionë bombardues “Sukhoi Su-24 dhe dy luftëtarë Sukhoi Su-27”.
Bombarduesit - siç shihet në foto thuhet se ishin të armatosur me armë bërthamore.
Ushtria e Stokholmit nuk e ka konfirmuar ende incidentin – pavarësisht raportimeve të përhapura në Suedi.
Valdrin Nuredini
