Rusia teston raketën që “rrah të gjitha mbrojtjet moderne”; Zelensky me një ofertë për Putinin

Presidenti ukrainas Volodymyr Zelensky thotë se ai mbetet i gatshëm të shkëmbejë të burgosurit rusë të luftës në këmbim të kalimit të sigurt për civilët dhe trupat ukrainase në Mariupol.

Zelensky tha se ka rreth 1,000 civilë të strehuar në fabrikën e çelikut Azovstal të Mariupolit.

Ai shtoi se situata në qytetin e rrethuar po përkeqësohet, me qindra të plagosur.

Më herët, sekretari i shtypit i Kremlinit, Dmirty Peskov, akuzoi Ukrainën për frenim të negociatave të paqes. Peskov tha se topi ishte në fushën e Kievit pasi Rusia i dorëzoi një dokument Ukrainës.

Duke iu referuar deklaratës së Peskov, Zelensky tha se ai nuk e kishte parë apo dëgjuar për dokumentin në lidhje me bisedimet e paqes./V.N.

Estonia thotë se po i ndalon tubimet publike për festimet e Ditës së Fitores më 9 maj, ku njerëzit shfaqin simbole ushtarake, apo të flamujve rusë. 9 Maji festohet tradicionalisht nga popullsia e konsiderueshme ruse e vendit baltik për të kremtuar fundin e Luftës së Dytë Botërore.

“Shteti estonez deri më tani ka qenë tolerant ndaj ngjarjeve të 9 majit, por aktivitetet aktuale të Rusisë në Ukrainë përjashtojnë tubimet publike në Estoni, që shprehin mbështetje për shtetin agresor dhe shfaqin simbole lufte”, tha të mërkurën shefi i policisë dhe rojeve kufitare, Elmar Vaher.

Policia tha të mërkurën se përkujtimi i të vrarëve në Luftën e Dytë Botërore nuk ishte i ndaluar, por "nuk duhet të përdoret për të nxitur dhunën dhe urrejtjen midis njerëzve".

Ndër simbolet e ndaluara janë flamujt e Bashkimit Sovjetik dhe Rusisë, uniformat ushtarake sovjetike dhe shiritat portokalli dhe të zinj të veshur në Rusi për të shënuar fitoren e Bashkimit Sovjetik ndaj Gjermanisë naziste në Luftën e Dytë Botërore.

Ndalimi është në fuqi deri më 10 maj dhe vlen për kryeqytetin Talin dhe zonat përreth.

Banorët rusë përbëjnë rreth 25% të popullsisë 1.3 milionëshe të Estonisë dhe ata tradicionalisht mblidhen për të vendosur lule më 9 maj në statujën e Ushtarit të Bronztë të Talinit, që përkujton trupat e rëna të Ushtrisë së Kuqe në betejat e Luftës së Dytë Botërore në Estoni.

Lufta në Ukrainë po hyn në një fazë vendimtare. Presidenti rus Vladimir Putin po bashkon forcat në lindje të vendit dhe dëshiron të dëbojë luftëtarët e mbetur ukrainas nga rajoni i Donbass, shkruan gazeta zvicerane Blick.ch transmeton “Bota sot”.

Por moti i lagësht po luan në duart e Kievit.

Moti luan një rol të rëndësishëm në luftë. Për shembull, shiu mund të ngadalësojë shumë përparimin e një ushtrie. Tokë e lagur, llogore të tejmbushura: Mjë makth për presidentin rus Vladimir Putin.

Si një forcë sulmuese, Rusia gjithsesi është strategjikisht në disavantazh në Ukrainë. Tani moti po i bën edhe më keq shanset e ushtrisë ruse për sukses.

Pas pushtimit të dështuar të kryeqytetit Kiev në lindje të vendit, Putini po konsolidon forcat e tij. Atje ata supozohet të rrethojnë ushtrinë ukrainase dhe të dëbojnë luftëtarët e mbetur ukrainas nga rajoni i Donbassit.

Më shumë detaje këtu

Më herët pati raporte se tenistët rusë nuk do të lejoheshin të garonin në Wimbledon të këtij viti.

Kjo tani është konfirmuar nga organizatorët e Grand Slam's All England Lawn Tennis Club, duke shtuar se lojtarët bjellorusë gjithashtu do të përjashtohen.

Ian Hewitt, kryetar i All England Club, tha: "Ne e kuptojmë se kjo është e vështirë për individët e prekur dhe është trishtuese që ata do të vuajnë për veprimet e udhëheqësve të regjimit rus."

“Ne kemi shqyrtuar me shumë kujdes masat alternative që mund të ndërmerren në kuadër të udhëzimeve të Qeverisë së Mbretërisë së Bashkuar, por, duke pasur parasysh mjedisin e profilit të lartë të Kampionatit, rëndësinë e moslejimit të përdorimit të sportit për të promovuar regjimin rus dhe shqetësimet tona më të gjera për publikun dhe sigurinë e lojtarëve (përfshirë familjen), ne nuk besojmë se është e mundshme të vazhdojmë në ndonjë bazë tjetër në Kampionatin", shtoi ai.

Këtë vit, Wimbledon zhvillohet nga 27 qershor deri më 10 korrik.

Një grup i vogël civilësh ishte në gjendje të largohej nga qyteti jugor i rrethuar i Mariupolit në orët e fundit, sipas agjencisë së lajmeve Reuters, përcjell Bota sot.

Dëshmitarët në qytetin port pohojnë se dhjetëra njerëz hipën në një kolonë të vogël autobusësh dhe u nisën nga një pikë e planifikuar evakuimi për në Zaporizhzhia.

Këshilli i qytetit të Mariupolit, tha më herët se shpresonte të evakuonte rreth 6,000 njerëz sipas një marrëveshjeje paraprake me Rusinë të mërkurën.

Kuptohet se mbi 100,000 njerëz mbeten në Mariupol.

Komente interesante po dalin nga Moska pasditen e sotme, ku ka folur presidenti rus Vladimir Putin.

Putin ka akuzuar Perëndimin për vendosjen e kufizimeve "të paligjshme" ndaj kompanive ruse, duke pretenduar se këto sanksione shkelin rregullat e Organizatës Botërore të Tregtisë, raporton Sky News, përcjell Bota sot.

“Këto masa (sanksione) janë në kundërshtim me parimet e OBT-së, ndaj të cilave kolegët evropianë kanë përsëritur vazhdimisht respektimin e tyre”, tha ai.

Sanksione të ashpra janë vendosur ndaj aseteve dhe individëve rusë nga aleatët perëndimorë në përgjigje të pushtimit të Ukrainës, i cili filloi në fund të shkurtit.

Ato ishin krijuar për të ushtruar presion ndaj Putinit për të tërhequr forcat e tij.

Qyteti-port i Mariupolit ishte vendbanim i 400,000 personave, para pushtimit nga Rusia.

Ai është rrethuar nga trupat ruse dhe po bombardohet vazhdimisht qe më shumë se 50 ditë.

Qyteti është shndërruar në gërmadha, teksa Rusia pohon se tani e ka në kontroll gati të plotë.

Mijëra civilë besohet të jenë vrarë dhe dhjetëra mijëra të tjerë të kenë mbetur të ngujuar në qytet.

Kujdes: Përmbajtja mund të jetë shqetësuese për disa shikues! 

Kryetari i Gjykatës Ndërkombëtare Penale me qendër në Hagë, Karim Khan, ka thënë se “Ukraina është një skenë krimi”. Ai i bëri komenetet ndërsa vizitoi disa qytete të atij vendi. Ekspertët e kriminalistikës kanë filluar punën në kërkim të dëshmive për krime lufte. Kharkivi është një prej zonave lindore të Ukrainës, që është përballur me sulme të shumta ruse. Ndërkohë, shefi i Sherbimit të Sigurisë së Ukrainës në rajonin e Kharkiv-it thotë se qyteti nuk do të bjerë në duart e rusëve.

Shefi i Shërbimit të Sigurisë së Ukrainës në rajonin e Kharkiv-it thotë se rusët nuk kanë gjasa ta pushtojnë qytetin lindor të Kharkiv-it, pasi ukrainasit janë më të përgatitur për betejë.

Zoti Roman Dudin thotë se ukrainasit ishin në gjendje të zbrapsin sulmin e parë dhe më të frikshëm.

Lajmin e plotë lexojeni KËTU

Një mjek nga Teksasi ka udhëtuar tashmë tre herë në Ukrainë për të ndihmuar mjekët vendas të trajtojnë të plagosurit e luftës. "Si mjek, së pari, është detyra jonë dhe etika jonë të ndihmojmë çdo person në nevojë në botë" i tha Dr. Monzer Yazji, Sanjay Guptas të CNN, transmeton Bota sot.

Yazji, një sirian amerikan, drejtoi më shumë se 30 misione mjekësore në Siri gjatë luftës që filloi në 2011 atje. "Ajo që ndodhi në Ukrainë, ndodhi në Siri. Dhe e ndjej veten se jam pjesë e kësaj," tha ai.

Që nga java e kaluar, Organizata Botërore e Shëndetësisë ka verifikuar rreth 120 sulme ndaj kujdesit shëndetësor që nga fillimi i pushtimit të Ukrainës.

Yazji tha se duhen kryer operacione të ndërlikuara në Ukrainë. Një burrë humbi gjysmën e shpatullës, por ai mbijetoi, tha ai. Gjithashtu ka probleme me ujin, furnizimet mjekësore dhe mungesat e energjisë elektrike.

"Kur shoh mjekët ukrainas duke vuajtur sepse [janë] të rraskapitur mendërisht, fizikisht dhe se sulmi ndaj tyre, unë shoh ne, veten, ne ishim atje. Kjo është arsyeja pse kjo ... e gjithë kjo më bën të vij në Ukrainë dhe të jem me ta”, tha ai./V.N/

Një ish-banor i Mariupolit thotë se njerëzit janë të shqetësuar për largimin nga qyteti i goditur, sepse kanë frikë se situata është po aq e keqe në pjesë të tjera të Ukrainës.

"Ata mendojnë se ajo që po ndodh në Mariupol [po] ndodh kudo. Nuk kanë fare informacion të plotë sepse nuk kanë internet", tha Roman Skyliarov për programin Newshour të BBC World Service.

Roman thotë se ai u largua vetë nga qyteti jugor, por njeh të tjerë që duan të qëndrojnë - të cilët përfshijnë të rinj si dhe gjyshen e tij.

Përpjekjet për të evakuuar civilët nga qyteti vazhdojnë, pavarësisht dështimeve të përsëritura të mëparshme për të rregulluar autokolona të organizuara të autobusëve./V.N/