Turistët po vërshojnë drejt Kroacisë për sezonin e ri turistik por vendi i Adriatikut thotë se nuk ka punonjës të mjaftueshëm turizmi për vizitorët e saj.
Autoritetet thonë se për të plotësuar boshllëqet po punësojnë njerëz nga Azia e nga vendet e Ballkanit.
Të njëjtin problem duket se kanë dhe destinacione të tjera në Evrope si Franca, Spanja e Greqia, që vjen si pasojë e mbylljeve të mëhershme të virusit.
Por Kroacia thotë se ka vuajtur prej vitesh problemin e stafit për destinacionet e saj të bregdetit dhe rreth 1000 ishujve turistikë.
