LIVE: Kërcënimi me armë bërthamore nga Rusia, drejtori i CIA-s udhëton në Ukrainë – NATO jep verdiktin e fundit mbi luftën

Presidenti i Ukrainës, Volodymyr Zelensky, duke theksuar se kanë kaluar tetë muaj që kur Rusia nisi luftën e saj më 24 shkurt, paralajmëroi se vazhdojnë të çlirojnë tokat ukrainase hap pas hapi. “Donbasi, Kharkiv dhe Kherson (po çlirohen). Por gjithashtu edhe Zaporizhzhia dhe Krimea. Do të vijë koha dhe e gjithë Ukraina do të jetë e lirë”, tha Zelensky në një video në Telegram.

Ai theksoi se Ukraina ka mbrojtur pavarësinë e vendit dhe se Rusia nuk mund të bëjë më asgjë për këtë. “Ukraina po shkatërron të ashtuquajturën ‘ushtrinë e dytë të botës’ dhe tani e tutje, Rusia do të jetë vetëm një lypës. Potenciali i Rusisë po harxhohet tani në këtë çmenduri, në luftën kundër shtetit tonë dhe gjithë botës së lirë”, shtoi ai.

Zelensky më tej shtoi se Rusia kishte ndikim për sa i përket gazit natyror, fuqisë ushtarake dhe peshës politike, por jo më. Ai tha se është shumë e rëndësishme të ndryshohet konfigurimi i forcave në Euroazi. “Sa më shumë nga potenciali i saj të humbasë Rusia tani, aq më shumë liri reale do të kenë të gjithë popujt pranë Rusisë dhe brenda kufijve të saj. Para së gjithash Ukraina”, tha Zelensky.

Nga ana tjetër situata në Ukrainë është e vështirë. Raketat ruse dhe sulmet me dronë të prodhuar në Iran kanë shkatërruar mbi një të tretën e sektorit të energjisë së Ukrainës, tha presidenti Zelensky, gjatë një konference më 25 tetor lidhur me rindërtimin e Ukrainës.

“Rusia po shkatërron gjithçka, prandaj është shumë e vështirë për ne që ta kalojmë dimrin”, tha Zelensky teksa iu adresuar përmes video-lidhjes konferencës në Berlin. Në këtë konferencë morën pjesë kancelari gjerman, Olaf Scholz, presidentja e Komisionit Evropian, Ursula von der Leyen, si dhe zyrtarë të tjerë të lartë.

Operatori i energjisë bërthamore të Ukrainës tha të martën se forcat ruse po kryenin punë sekrete në centralin më të madh bërthamor në Evropë, aktivitet që mund të hedhë dritë mbi pretendimet e Rusisë se ushtria ukrainase po përgatit një "provokim" që përfshin një pajisje radioaktive.

Ministri rus i Mbrojtjes Sergei Shoigu bëri një pretendim të pabazuar në fakte se Ukraina po përgatitej të lëshonte një të ashtuquajtur bombë me elementë radioaktivë. Zoti Shoigu e bëri akuzën gjatë fundjavës në telefonatat me homologët e tij britanikë, francezë, turq dhe amerikanë. Britania, Franca dhe Shtetet e Bashkuara e hodhën poshtë këtë pretendim duke e quajtur si "tërësisht të rreme".

Ukraina i cilësoi pohimet e Moskës si një përpjekje për të shkëputur vëmendjen nga planet e supozuara të Kremlinit për të hedhur një bombë, e cila përdor eksplozivë për të shpërndarë mbetje radioaktive në një përpjekje për të mbjellë terror.

Energoatom, ndërmarrja shtetërore ukrainase që operon katër centralet bërthamore të vendit, tha se forcat ruse kanë kryer punë sekrete gjatë javës së fundit në centralin bërthamor të Zaporizhias në Ukrainë.

Oficerët rusë që kontrollojnë zonën nuk kanë pranuar t'i japin qasje personelit ukrainas që drejton uzinën ose monitoruesve nga mbikëqyrësi i energjisë atomike të OKB-së që të shohin se çfarë po ndodh aty, tha kompania Energoatom në një deklaratë të lëshuar të martën.

Energoatom tha se "dyshonte" se rusët "po përgatisin një akt terrorist duke përdorur materiale bërthamore dhe mbetje radioaktive të depozituara" në uzinë. Ai tha se në 174 kontenierë kishte lëndë radiaktive.

"Shkatërrimi i këtyre kontejnerëve si rezultat i një shpërthimi do të çojë në një aksident e ndotje radioaktive që mund të shtrihet në disa qindra kilometrave katrorë" tha kompania.

Ajo i bëri thirrje Agjencisë Ndërkombëtare të Energjisë Atomike të vlerësojë se çfarë po ndodh në central.

Kremlini ka këmbëngulur se paralajmërimi i tij për një plan të ukrainas për të përdorur një bombë me element bërthamorë duhet të merret seriozisht dhe kritikoi vendet perëndimore për mos marrjen parasysh të këtij shqetësim.

Hedhja poshtë e paralajmërimit të Moskës është “e papranueshme për shkak të seriozitetit të rrezikut për të cilin kemi folur”, tha zëdhënësi i Kremlinit, Dmitry Peskov.

Duke folur gjatë një konference me gazetarët, zoti Peskov shtoi: “Ne përsëri theksojmë rrezikun e madh që paraqesin planet e hartuara nga ukrainasit”.

Të hënën Shtëpia e Bardhë theksoi sërish se pretendimet ruse ishin të rreme.

“Thjesht nuk është e vërtetë. Ne e dimë se nuk është e vërtetë”, tha John Kirby, zëdhënës i Këshillit të Sigurisë Kombëtare. "Në të kaluarën, në disa raste, rusët kanë fajësuar të tjerët për gjërat që ata po planifikonin t’i bënin".

Bombat me elementë bërthamorë nuk kanë aftësitë shkatërruese të një bombe bërthamore, por mund të ekspozojnë një pjesë të gjerë territori ndaj ndotjes radioaktive./VOA

Shefi i inteligjencës ushtarake ukrainase Kyrylo Budanov, ka dhënë një intervistë për gazetën ukrainase në internet Ukrainska Pravda.

Në të, ai pyetet në lidhje me luftën për pushtet që aktualisht besohet se po pushton Kremlinin në mes të fushatës së trazuar ushtarake të Rusisë.

Duke diskutuar pasardhësit e mundshëm të Vladimir Putinit, ai hedh poshtë shanset e ish-presidentit rus Dmitry Medvedev, duke thënë se ai "nuk ka asnjë shans".

Ai thotë se Dmitry Patrushev, djali i ish-shefit të FSB-së, Nikolai Patrushev, "hipotetikisht" ka një shans për të marrë postin president, raporton Sky News, përcjell Bota sot.

Megjithatë, ai sugjeron se Sergey Kiriyenko, i parë gjerësisht si arkitekti i politikës së Kremlinit për aneksimin e territoreve të Ukrainës, është i prirur të zëvendësojë Putinin.

Por ai tregoi se zëvendës shefi i parë i kabinetit të Kremlinit dhe ish-kryeministri nuk ka gjasa të kërkojë të rrëzojë me forcë udhëheqësin ekzistues.

"Kiriyenko e sheh veten në karrige", tha ai.

"Ai e sheh veten si pasardhës në një transferim kaq pak a shumë paqësor të pushtetit."

Kryeministri i Norvegjisë Jonas Gahr Støre, i është drejtuar dje parlamentit të vendit për situatën aktuale në Ukrainë – në një fjalim që përfshinte vlerësimin e fundit të kombit skandinav për kërcënimin bërthamor nga Moska.

"Rusia ka shumë lloje të ndryshme të armëve bërthamore, duke përfshirë disa kategori të ndryshme të atyre që quhen armë bërthamore taktike", tha ai, përcjell Bota sot.

“Këto janë të destinuara për përdorim në zgjerimin e sistemeve të armëve konvencionale. Përdorimi i armëve bërthamore do të kalonte një kufi të padëgjuar. Ne konsiderojmë se probabiliteti i përdorimit është ende i ulët, por nuk është zero.”

“Në dritën e gjuhës së përdorur, ne nuk mund ta hedhim poshtë mundësinë, megjithëse probabiliteti është i ulët”.

"Ne duhet të supozojmë se qëllimi i kërcënimeve është të dobësojë solidaritetin perëndimor me Ukrainën. Është një formë shantazhi."

Forcat ruse kanë sulmuar një makinë, ku ndodhej një familje ukrainase dhe si pasojë kanë humbur jetën babai dhe djalin 14-vjeçar.

E plagosur ka mbetur vajza 5 vjeçe, njoftoi në Facebook Yevhen Ryshchuk, kryetari i komunës Oleshky në Kherson. Vajzës i është prerë gishti i njërës dorë.

Këtë e kanë raportuar mediat ukrainase.

Lexo edhe: LIVE: Rusia njofton zyrtarisht SHBA-në për stërvitjet bërthamore!? – Biden i jep paralajmërimin e fuqishëm Putinit

Ryshchuk raportoi se trupat ruse qëllojnë këdo që mendojnë se përbën një kërcënim.