Siguria në centralin bërthamor të okupuar të Ukrainës në Zaporizhia po përkeqësohet pas një sulmi me dron në rrugën përreth tij.
Kështu u shpreh përmes një deklarate të shtunën Agjencia Ndërkombëtare e Energjisë Atomike (IAEA), shkruan Sky News.
Më herët gjatë së shtunës, ekipi i Misionit të Mbështetjes dhe Ndihmës së IAEA-s në Zaporizhia (ISAMZ) u informua se një eksploziv i transportuar nga një dron shpërtheu jashtë zonës së mbrojtur të uzinës.
Nga shpërthimi nuk pati viktima dhe asnjë dëmtim të pajisjeve bërthamore, por rruga dhe portat përreth u ndikuan.
“Përsëri ne shohim një përshkallëzim të sigurisë bërthamore dhe rreziqeve të sigurisë me të cilat përballet termocentrali bërthamor i Zaporizhia”, tha Drejtori i Përgjithshëm i IAEA-s, Rafael Marioano Grossi.
Zaporizhia është objekti më i madh bërthamor në Evropë dhe ka qenë i pushtuar nga ushtarët rusë që në fazat e hershme të luftës së saj me Ukrainën.
