LIVE: Paralajmërimi i Putin, reagon zyrtari i inteligjencës amerikane – Dalin pamjet, zjarr në një depo nafte në jug të Rusisë

Një sulm me dron i forcave ukrainase shkaktoi zjarr në një depo nafte në Rostov të Rusisë, ndërsa Kievi u përpoq të sulmonte edhe rajonin Kirov, rreth 1 mijë e 500 kilometra në verilindje të kufirit mes Ukrainës dhe Rusisë, thanë autoritetet e rajonit jugor rus.

“Nuk ka viktima. Zjarrfikësit po shuajnë zjarrin”, tha Guvernatori i Rostovit, Vasily Golubev, në platformën Telegram.

Ministria ruse e Mbrojtjes tha se forcat e saj ajrore shkatërruan katër dronë mbi rajon gjatë natës, por pa përmendur sulmin në depo.

Më herët, kanali ‘Baza’ në Telegram, i afërt me shërbimet ruse të sigurisë, tha se tre cisterna të depos së naftës në Kamenski u dogjën pas rënies së dy dronëve në atë zonë.

Agjencia e lajmeve Reuters konfirmoi vend-ndodhjen e njërës nga pamjet e publikuara në rrjete sociale, ku shihej tymi dhe zjarri, pak momente pas sulmit.

Ukraina nuk ka bërë ndonjë koment për sulmin. Një depo karburanti në Kamenski ishte sulmuar edhe në fillim të gushtit.

Sulmi i së mërkurës vjen ndërsa zjarri në cisternat e një depoje nafte në Proletars të rajonit të Rostovit po vazhdonte, rreth 10 ditë pas një sulmi ukrainas.

Në një sulm tjetër po të mërkurën, dronët goditën një depo të produkteve të naftës në qytetin Kotelinç në rajonin Kirov të Rusisë, tha guvernatori Alexander Sokolov.

Ai shtoi se sulmi në depo nuk shkaktoi viktima apo zjarre.

Zoti Sokolov tha se dy dronë u shkatërruan, ndërsa tre ranë pranë depos dhe shkaktuan zjarrin që u shua para se të arrinte tek depoja e karburantit.

Alexander Gusev, guvernatori i Voronezhit, rajonit rus në kufi me Ukrainën, tha se mbetjet e një droni ukrainas shkaktuan një zjarr afër disa “objekteve shpërthyese” por se nuk pati ndonjë shpërthim.

Zjarri u shua, tha zoti Gusev në Telegram ndërsa shtoi se banorët po kthehen në shtëpitë e tyre në dy vendbanime të evakuuara.

Ministria ruse e Mbrojtjes tha se tetë dronë sulmues mbi rajonin e Voronezhit u shkatërruan, por pa dhënë më shumë hollësi. Në shumë raste zyrtarët rusë nuk njoftojnë mbi shkallën e plotë të dëmeve pas sulmeve ukraianse.

Të dyja palët mohojnë të kenë vënë në shënjestër civilët në luftën 30 mujore që nisi pas sulmit në shkallë të gjerë të Rusisë ndaj fqinjit të saj më të vogël. Kievi thotë se sulmet e tij ajrore synojnë të shkatërrojnë infrastrukturën energjisë, transportit dhe atë ushtarake të Rusisë, jetike për operacionin rus kundër Ukrainës.

Presidenti rus, Vladimir Putin, do të nisë një kundërofensivë me qëllim që të rimarrë territorin në rajonin e Kurskut, që është kapur nga trupat ukrainase. Por, forcat ruse do të përballen me “një luftë të vështirë” tha zëvendësdrejtori i Agjencisë Qendrore amerikane të Inteligjencës (CIA), David Cohen.

Cohen tha gjatë një konference të industrisë së sigurisë se rëndësia e inkursionit ukrainas, përmes së cilit Ukraina mori nën kontroll rreth 777 kilometra katrorë, në rajonin rus, ende mbetet të shihet.

Forcat ukrainase kaluan kufirin për në Rusi dhe nisën një ofensivë të befasishme në rajonin rus të Kurskut më 6 gusht. Përderisa Kievi ka thënë se nuk synon të aneksojë zonën që ka marrë nën kontroll, forcat ukrainase po krijojë vija mbrojtëse dhe duket se po synojnë të mbajnë “një pjesë të atij territori për një periudhë kohore”, tha Cohen gjatë samitit për inteligjencë dhe siguri kombëtare.

“Ne jemi të sigurt se Putini do të nisë një kundërofensivë me synim që të rimarrë territorin. Mendoj se pritjet tona janë që do të jetë një luftë e vështirë për rusët”, tha Cohen.

Ukraina ka pretenduar se ka marrë 100 vendbanime gjatë ofensivës në rajonin e Kurskut, teksa forcat ruse po vazhdojnë të avancojnë në rajonin ukrainas të Donjeckut./REL

Ukraina ka kryer me sukses testin e parë të raketës së saj balistike. Lajmin e dha dje presidenti ukrainas Volodymyr Zelensky. “Kishte një provë pozitive të raketës së parë balistike ukrainase dhe për këtë unë përgëzoj kompleksin tonë mbrojtës-industrial,” tha Zelensky duke folur në Forumin e Pavarësisë “Ukraina 2024”. Ai tha gjithashtu se nuk mund të zbulojë asnjë detaj të mëtejshëm për raketën.

Ukraina po prodhon një shumëllojshmëri të gjerë armësh “të bëra vetë” gjatë luftës, duke përfshirë dronët detarë dhe raketat kundër anijeve. Gjithashtu i ripërdori ato raketa për sulme tokësore. Zelensky foli gjithashtu për dobinë dhe rolin që kishin luftëtarët F-16, të furnizuar nga partnerët perëndimorë, në zmbrapsjen e sulmit më të madh ajror të kombinuar rus kundër Ukrainës, që u zhvillua dje, dhe në shkatërrimin e raketave dhe dronëve rusë.

“F-16-të treguan një rezultat shumë të mirë Ne zmbrapsëm disa raketa dhe dronë duke përdorur F-16-të dhe ne u jemi mirënjohës partnerëve tanë që na dhanë F-16 mjaft, kemi vetëm disa dhe gjithashtu duhet të trajnojmë pilotët.”

“Plani për fitore” i Zelenskyt

Por presidenti shkon më tej dhe mendon për të ardhmen: Kievi synon t’i paraqesë një plan se si synon t’i japë fund konfliktit me Rusinë Presidentit të SHBA Joe Biden dhe të dy kandidatëve presidencialë të nëntorit, Kamala Harris dhe Donald Trump . Zelensky shpjegoi se ai donte t’i paraqiste Biden “një plan për fitore në shtator. Inkursioni në rajonin rus Kursk është pjesë e planit, i cili përfshin gjithashtu presionin ndaj Rusisë për t’i dhënë fund luftës përmes mjeteve diplomatike dhe masave të tjera në frontin ekonomik. “Operacioni në Kursk nuk është i lidhur me asnjë nga pikat e Formulës së Paqes, ai është i lidhur me samitin e dytë të paqes, sepse është një nga pikat e planit të fitores së Ukrainës”, tha Zelensky duke kundërshtuar lajmet nga Washington Post ditët e fundit.

Në artikull e tyre 10 ditë më parë ata shpreheshin se inkursioni i Ukrainës prish përpjekjet për një armëpushim të pjesshëm me Rusinë, sipas së cilës Ukraina dhe Rusia ishin gati të dërgonin delegacione në Doha për të negociuar, me bisedime indirekte, një marrëveshje për një armëpushim në sulmet kundër infrastrukturës energjetike , por inkursioni ukrainas në rajonin rus të Kurskut do të kishte prishur fillimin e mundshëm të negociatave. “Operacioni në Kursk dhe takimi në Katar nuk janë absolutisht të lidhura”, tha Zelensky, i cili këmbënguli se inkursioni në territorin rus ka objektiva krejtësisht të ndryshëm.

Një samit i ri për paqen?

Presidenca ukrainase ka shpresuar se samiti i ardhshëm i paqes që synon t’i japë fund luftës do të mbahet në një vend në jugun global. Samiti i parë i paqes u mbajt qershorin e kaluar në Zvicër në prani të liderëve dhe përfaqësuesve të mbi 90 shteteve. Rusia, si Kina, u përjashtua, por Ukraina tha se ishte e gatshme të përfshijë Moskën në raundin e dytë të bisedimeve. “Nëse përfaqësuesit rusë duan të marrin pjesë në samitin e dytë, ata do të jenë atje”, tha Zelensky. Megjithatë, një përparim diplomatik duket ende larg pasi Kremlini e ka bërë të qartë se “nuk do të flasë” me Ukrainën pas kundërsulmit të saj në rajonin Kursk të Rusisë.

Pas valës së re të bastisjeve të rënda, Zelensky theksoi se bisedimet e paqes me Vladimir Putin do të ishin “të pakuptimta” në këtë kohë. “E gjithë bota pret që Ukraina të paraqesë një propozim kompromisi se si t’i jepet fund luftës nesër. Nuk është se nuk ka kompromise me Putinin, por me të sot dialogu do të ishte bosh, i pakuptimtë, sepse ai nuk dëshiron t’i japë fund luftës me mjete diplomatike", tha Zelensky në Kiev. Prandaj edhe Putini do të ishte i gatshëm të fillojë negociatat, por me kusht që Kievi të njohë kapjen e 30% të territorit ukrainas. "Ne nuk do të luajmë lojën e tij”, tha ai.

Kreu i Agjencisë Ndërkombëtare të Energjisë Atomike (IAEA) ka shprehur shqetësimin për sigurinë e centralit bërthamor në Kursk. Rafael Grossi tha pas vizitës në termocentralin bërthamor rus të Kursk se ekzistonte rreziku i një aksidenti bërthamor dhe si pasojë situata është serioze. “Rreziku ose mundësia e një aksidenti bërthamor është e afërt”, u tha Grossi gazetarëve, duke iu referuar faktit se luftimet po zhvillohen në rajonin përreth Kurskut. Rusia thotë se uzina është sulmuar në mënyrë të përsëritur nga forcat ukrainase që janë vetëm 40 km larg pasi sulmuan një pjesë të territorit rus këtë muaj. Ukraina nuk është përgjigjur ende ndaj akuzave.

Grossi, kreu i Agjencisë Ndërkombëtare të Energjisë Atomike, tha se centrali është jashtëzakonisht i brishtë sepse nuk kishte kupolë mbrojtëse. Ai tha se centrali aktualisht është ende duke funksionuar afër kushteve normale, por kjo do të thotë se situata në lidhje me sigurinë e saj është edhe më e rëndë. Kompania shtetërore ruse bërthamore Rosener-goatom tha se Grossi kishte qenë në gjendje të kënaqte veten se reaktori numër tre i uzinës po punonte me kapacitetin e planifikuar, ndërsa reaktori i tij i katërt i është nënshtruar mirëmbajtjes së planifikuar që nga e diela. Atij iu tregua gjithashtu një bllok i ri reaktori që është në ndërtim e sipër, tha ai.

Nga katër reaktorët e epokës sovjetike të termocentralit bërthamor Kursk, dy janë mbyllur, por Numri 3 dhe Numri 4 – janë në funksion. Reaktori numër 4 u shkëput nga rrjeti më 25 gusht për 59 ditë riparime. Dy reaktorët nuk janë ende në funksion. IAEA tha më 22 gusht se ishte informuar nga Rusia se mbetjet e një droni u gjetën rreth 100 metra nga objekti i magazinimit bërthamor të karburantit të konsumuar të uzinës Kursk. Nivelet e rrezatimit në zonë janë normale, sipas stacioneve ruse të monitorimit.

Çfarë thotë Rusia?

Rusia pretendoi dje se Ukraina u përpoq të godiste termocentralin bërthamor të Kurskut në një sulm me dron, ndërsa rajoni kufitar vazhdon të jetë skenë e një inkursioni nga Kievi i nisur më shumë se dy javë më parë. “Natën e 22 gushtit 2024, regjimi i Kievit u përpoq të kryente një akt terrorizmi bërthamor me një dron kamikaz në një termocentral bërthamor në Kurchatov në rajonin Kursk”, ka thënë një burim nga agjencitë e rendit, sipas agjencisë shtetërore ruse të lajmeve TASS.

Burimi ka thënë se droni ukrainas i përdorur gjatë sulmit është rrëzuar në “afërsi të menjëhershme” të uzinës nga sistemet ruse elektronike të luftës. Duke komentuar incidentin, zëdhënësja e Ministrisë së Jashtme ruse, Maria Zakharova, ka thënë për TASS se sulmi kërkon një përgjigje të menjëhershme nga Agjencia Ndërkombëtare e Energjisë Atomike (IAEA), duke e përkufizuar atë si një “akt të terrorizmit bërthamor”.

Dy ditë më parë presidenti rus Vladimir Putin pretendoi se Ukraina u përpoq të godiste termocentralin bërthamor në Kursk dhe se Agjencia Ndërkombëtare e Energjisë Atomike (IAEA) është informuar për situatën. Putin tha se IAEA ka premtuar të dërgonte specialistë për të vlerësuar situatën në uzinë, ndërsa ushtruesi i detyrës së Guvernatorit të Kurskut, Alexey Smirnov, tha se situata në termocentral është e qëndrueshme.

Tronditet Rusia

Nga ana tjetër ka një përpjekje për të Ukrainës për të hyrë në Belgorod. Në përgjigje, forcat e armatosura ukrainase, rreth 500 ushtarë, me sa duket po përpiqen të depërtojnë pranë Nekhoteyevka dhe Shebekino, në rajonin rus të Belgorod. Kështu pretendon kanali rus i lajmeve Mash, sipas të cilit, duke gjykuar nga bisedat e përgjuara në radio, mes luftëtarëve ka mercenarë të huaj nga Polonia, Gjeorgjia dhe Shtetet e Bashkuara.

Sipas informacioneve, një betejë po zhvillohet pranë Nekhoteyevka, ku rreth 200 ushtarë ukrainas zbarkuan pranë kufirit rus dhe tentuan ta kalonin atë. Në të njëjtën kohë, rreth 300 ushtarë ukrainas shkuan në postbllokun e Shebekinos, ku tani po zhvillohen luftime. Rojet kufitare ruse reaguan, më pas helikopterët bombarduan trupat e Kievit.

Kremlini thotë se Perëndimi po luan me zjarrin duke konsideruar lejimin e Ukrainës që të godasë brenda Rusisë me raketa perëndimore dhe paralajmëroi Shtetet e Bashkuara se Lufta e Tretë Botërore nuk do të kufizohet në Evropë.

Ukraina sulmoi rajonin perëndimor të Kurskut të Rusisë më 6 gusht dhe ka pushtuar një pjesë të territorit në ofensivën më të madhe të huaj kundër Rusisë që nga Lufta e Dytë Botërore.

Sergei Lavrov, i cili ka shërbyer si ministër i Jashtëm i Putinit për më shumë se 20 vjet, tha se Perëndimi po kërkonte të përshkallëzonte luftën në Ukrainë dhe po “duke shkuar përreth” duke marrë në konsideratë kërkesat e Ukrainës për të lehtësuar kufizimet në përdorimin e armëve të ofruara nga jashtë.

“Tani konfirmojmë edhe një herë se loja me zjarrin është shumë e rrezikshme,”  tha Lavrov.

Rusia pretendoi sot se Ukraina u përpoq të godiste termocentralin bërthamor të Kurskut në një sulm me dron, ndërsa rajoni kufitar vazhdon të jetë skenë e një inkursioni nga Kievi i nisur më shumë se dy javë më parë, transmeton Anadolu.

“Natën e 22 gushtit 2024, regjimi i Kievit u përpoq të kryente një akt terrorizmi bërthamor me një dron kamikaz në një termocentral bërthamor në Kurchatov në rajonin Kursk”, ka thënë një burim nga agjencitë e rendit, sipas agjencisë shtetërore ruse të lajmeve TASS.

Burimi ka thënë se droni ukrainas i përdorur gjatë sulmit është rrëzuar në “afërsi të menjëhershme” të uzinës nga sistemet ruse elektronike të luftës.

Duke komentuar incidentin, zëdhënësja e Ministrisë së Jashtme ruse, Maria Zakharova, ka thënë për TASS se sulmi kërkon një përgjigje të menjëhershme nga Agjencia Ndërkombëtare e Energjisë Atomike (IAEA), duke e përkufizuar atë si një “akt të terrorizmit bërthamor”.

Një ditë më parë, presidenti rus Vladimir Putin pretendoi se Ukraina u përpoq të godiste termocentralin bërthamor në Kursk dhe se Agjencia Ndërkombëtare e Energjisë Atomike (IAEA) është informuar për situatën.

Putin tha se IAEA ka premtuar të dërgonte specialistë për të vlerësuar situatën në uzinë, ndërsa ushtruesi i detyrës së Guvernatorit të Kurskut, Alexey Smirnov, tha se situata në termocentral është e qëndrueshme.

Pas komenteve të Putinit, shefi i IAEA-s, Rafael Grossi, njoftoi synimin e tij për të vlerësuar personalisht situatën në vend gjatë një vizite javën e ardhshme.

Autoritetet ukrainase nuk i kanë komentuar ende pretendimet e Rusisë.

Rajoni kufitar rus i Kurskut është përballur me një inkursion nga Kievi që nga nata e 5-6 gushtit, kur forcat ukrainase hynë në rajon pranë qytetit Sudzha, rreth 10 kilometra nga kufiri.

Shërbimi Federal i Sigurisë (FSB) njoftoi këtë të martë se po hap procedura penale kundër dy gazetarëve të huaj që kaluan ilegalisht kufirin rus për të raportuar nga rajoni i Kurskut pas pushtimit ukrainas, njoftoi agjencia e lajmeve Interfax.

Duke cituar FSB-në, Interfax raporton se në mesin e gazetarëve ishte një gazetar i transmetuesit gjerman Deutsche Welle dhe një korrespondent i kanalit televiziv ukrainas 1+1.

FSB tani ka ngritur padi penale kundër të paktën shtatë gazetarëve të huaj që kanë raportuar nga Kursk.

Detaje tjera nuk u japen.

21-vjeçari nga Sri Lanka nuk priste të dërgohej në vijën e frontit në Ukrainë, kur nënshkroi kontratën me Ministrinë ruse të Mbrojtjes. Për mundësinë për t`iu bashkuar ushtrisë ruse kishte dëgjuar nga një bashkëkombas nga Sri Lanka. Ai i kishte thënë, se nëse do të shërbente për një vit në ushtri, ai dhe prindërit e tij do të merrnin nënshtetësinë ruse. “Ai më tha, se nuk dërgohesh në front, por shërben vetëm si ndihmës”, thotë i riu. Kështu në muajin shkurt ai vendosi të nënshkruante shpejt një kontratë dhe mori menjëherë rreth 2000 dollarë. Atij iu premtua një pagë mujore prej 2.300 dollarësh plus disa përfitime shtesë.

Srilankezi nga qyteti Walasmulla thotë, se ka qenë i detyruar të nënshkruajë një kontratë me ushtrinë, për të fituar statusin e qëndrimit të ligjshëm në Rusi. Në pranverë, ndërsa ndodhej në një spital ukrainas afër frontit, pasi ishte plagosur dhe zënë rob, ai pranoi të tregonte historinë e tij në kushte anonimiteti. Ai foli me një gazetar të DW në gjuhën singaleze, përmes një përkthyesi në linjë telefonike, nën vëzhgimin e oficerëve ushtarakë ukrainas, të cilët me sa duket nuk kishin njohuri të mjaftueshme të anglishtes dhe nuk ndërhynin.

Nga thertorja në restorant dhe pastaj në ushtri

“Për shkak të situatës së keqe ekonomike në Sri Lanka”, siç thotë i riu, ai vendosi të merrte një vizë pune në Rusi përmes një agjencie punësimi. Kriza në vendin e tij është rënduar edhe për shkak të luftës së Rusisë, pasi çmimet e ushqimeve dhe karburanteve janë rritur nga bllokada e eksporteve ukrainase në Detin e Zi. Burri punoi një vit në një thertore në Rusi dhe, kur i mbaroi viza, jetoi edhe një vit ilegalisht në Moskë, ku punoi në një fast food. Në fund ai iu bashkua ushtrisë ruse.

Pas vetëm dy muajsh shërbimi në brendësi të vendit, u zhvendos në periferi të qytetit të pushtuar ukrainas të Donjeckut. “I thashë komandantit se doja të kthehesha në Sri Lanka, por ai tha se kjo ishte e pamundur dhe se sipas kontratës do të përballesha me 15 vjet burg në Rusi, nëse arratisesha”, thotë i riu, duke shtuar se në njësinë e tij kishte edhe shtetas nga Nepali, India, Kirgistani dhe Taxhikistani. Ai kishte qenë vetëm një herë në front – për pesë ditë. Aty u plagos dhe u zu rob.

Rusia detyron migrantët dhe studentë të huaj t’i bashkohen ushtrisë

Siç njoftoi agjencia e lajmeve Bloomberg në qershor, duke cituar zyrtarë evropianë, Rusia ka detyruar mijëra punëtorë emigrantë dhe studentë të huaj t’i bashkohen ushtrisë ruse në luftën kundër Ukrainës. Nëse refuzonin, të huajt kërcënoheshin se nuk do t’u zgjatej më viza në Rusi. “Ne jemi shumë, shumë të varfër”, thotë një 35-vjeçar nepalez në një kamp të burgosurish lufte në Ukrainën perëndimore. Ai ia tregoi historinë e tij DW-së në korrik dhe nuk donte t`i përmendej emri. Në këtë bisedë ishte i pranishëm edhe një roje, por ai heshtte dhe dukej se nuk kuptonte anglisht.

Në Nepal burri kishte punuar si shofer taksie – me një pagesë rreth 400 dollarë në muaj. Kjo nuk i dilte për të mbajtur gruan, dy fëmijët dhe prindërit. Nga disa miq nga India mësoi, se në ushtrinë ruse mund të fitohen “shumë para”. Kështu ai erdhi në Moskë në tetor 2023, ku u ekzaminua dhe u dërgua në qendrën e trajnimit “Avantgarde” në periferi të kryeqytetit rus së bashku me 60 të huaj të tjerë. Për këtë objekt kanë raportuar edhe të huaj të tjerë të rekrutuar. Sipas transmetuesit amerikan CNN ai shërben vetëm për trajnimin e mercenarëve të huaj. Atje nepalezi nënshkroi një kontratë vjetore me ushtrinë ruse për një pagë 2000 dollarë në muaj.

Ai tregon, se edhe ai fillimisht u vendos në brendësi të Rusisë, së bashku me një kinez si ndihmëskuzhinierë. Në njësinë e tij ishin 23 vetë nga Nepali dhe tre nga India. Njëmbëdhjetë të tjerë ishin rusë. Të gjithë komunikonin me njëri tjetrin me ndihmën e sistemeve të përkthimit audio. Pas një muaji ai u transferua në pozicionet pranë Donjeckut. Aty ai iu lut komandantit, që ta linte të shkonte në shtëpi, por edhe atij iu tha, se ndërprerja e kontratës nuk ishte e mundur. Disa javë më vonë, në prill, ai u plagos dhe pa ushtarët ukrainas. “Hoqa helmetën, jelekun mbrojtës dhe automatikun, kërkova ndihmë dhe u thashë që vij nga Nepali”, tregon ai.

Njerëz nga jugu global në shërbim ushtarak për Rusinë

Aktualisht janë rreth dhjetë mercenarë të zënë rob nga ukrainasit, thotë Petro Jacenko, zëdhënës i shtabit koordinues për të burgosurit e luftës në shërbimin e inteligjencës ushtarake ukrainase HUR. “Janë kapur edhe disa të tjerë, por ende nuk janë përfshirë në statistika”, thotë Jacenko për DW. Sipas tij në mesin e të burgosurve ka shtetas nga vendet afrikane, si Sierra Leone dhe Somalia, por dhe nga Sri Lanka, Nepali dhe Kuba. “Janë kryesisht njerëz nga jugu global, nga vendet e varfra,” thotë Jacenko, duke shtuar se një kubanez i ka treguar, se në vendin e tij fitonte vetëm shtatë dollarë në muaj.

HUR nuk ka dijeni, se sa të huaj luftojnë në anën ruse. Sidoqoftë Rusia i josh të huajt me reklama në rrjetet sociale si dhe direkt me anë të agjitatorëve jashtë vendit, thotë Yacenko: “Atyre u premtohet shpesh punë në firma të ndryshme dhe, kur bëhet fjalë për ushtrinë, u thonë se do të dislokoheni vetëm në brendësi”.

Megjithatë Petro Yacenko nga HUR thekson se në mesin e të huajve ka edhe profesionistë, që luftojnë për Rusinë. “Ata kanë eksperiencë ushtarake dhe e dinë shumë mirë, se ku po shkojnë”, thotë Yacenko. Jo të gjithë janë viktima të mashtrimit.

Mercenarët e huaj klasifikohen si robër lufte

„Për sa kohë nuk ka gjyq kundër tyre, ata mbahen si ushtarë rusë të zënë robër”, thotë Yacenko lidhur me statusin e këtyre të huajve. Asnjë prej tyre ende nuk është liruar përmes shkëmbimit apo procedurave të tjera. “Disa vende, veçanërisht Sri Lanka dhe Nepali, janë të interesuar t`i marrin qytetarët e tyre. Kjo na mundëson ne që të negociojmë”, thotë zëdhënësi i HUR.

Edhe të huajve u ofrohet ndihmë për të ikur nga ushtria

Të njohura janë edhe rastet, kur të huajt janë arratisur nga pozicionet ruse. Në maj HUR njoftoi, pa dhënë shifra, për një ikje masive të mercenarëve nga Nepali, të cilët ishin stacionuar në rajonin e pushtuar të Luhanskut. Dhe në qershor stacioni Francë 24 njoftoi për 22 srilankezë, që ishin arratisur nga ushtria ruse. Aktivistët e organizatës ruse për të drejtat e njeriut “Idite lesom” (“Ecni nëpër pyll”) ndihmojnë për arratisjen nga ushtria ruse – sidomos rusët dhe ukrainasit, që janë marrë me forcë në ushtri në territoret e pushtuara nga Rusia. Por ata kujdesen edhe për qytetarët e vendeve të tjera.

Ivan Chuvilyaev, përfaqësues i organizatës, konfirmoi në një intervistë për DW, se aktivistët kishin qenë në gjendje të ndihmonin edhe qytetarë nga vendet afrikane dhe Afganistani, për t`u arratisur. Sipas tij mënyra se si Rusia rekruton të huajt në ushtri, nuk ndryshon nga rekrutimi i qytetarëve të saj. “Përfitohet nga fakti, që njerëzit nuk e njohin ligjin dhe janë në një situatë të pasigurt financiare”, thotë aktivisti i të drejtave të njeriut.