LIVE: Si në filma aksion! Momenti tensionues kur snajperisti ukrainas “përplaset kokë më kokë” kundër dy ushtarëve rusë

Ky është momenti i tensionuar kur një snajper ukrainas “u përplas kokë më kokë” kundër dy ushtarëve rusë në një betejë vdekjeprurëse të stilit të filmave aksion.

Në pamjet, të cilat dukej se ishin filmuar përmes snajperit, ushtari trim ukrainas shfaqet gati për të qëlluar objektivat e armikut, shkruajnë mediat e huaja.

Dy ushtarë rusë shfaqen më pas në kamera, të armatosur me granatahedhës të gatshëm për të qëlluar ndaj forcave ukrainase.

Megjithatë, snajperi më pas qëllon me dy të shtëna ndaj rusëve, para se ata të kenë mundësinë të përdorin armët vdekjeprurëse.

Kujtojmë se përveç luftimeve në Ukrainë, ndërkohë, inkursioni i Ukrainës në Rusi ka vazhduar me ushtrinë që tani kontrollon mbi 1000 metra katrorë tokë brenda vendit. 

Një faqe hetimore ruse, “Dossier Center”, ka publikuar një hetim të gjatë mbi jetën e Vladimir Putinit, ose më saktë, atë të familjes së tij: partneres së tij Alina Kabaeva dhe djemve të tij Ivan Vladimirovich dhe Vladimir Vladimirovich, respektivisht nëntë dhe pesë vjeç. Duket, sipas burimit të cituar, se dy fëmijët e presidentit rus i kalojnë ditët në izolim, në rezidenca të ndryshme, duke udhëtuar me jahte dhe avionë privatë, me nevojat e tyre të përditshme të menaxhuara nga kompani në pronësi të miqve të besuar të kreut të Kremlinit. Deri tani asgjë e çuditshme, ashtu siç nuk është e çuditshme të lexosh se ata mbrohen dhe shoqërohen në lëvizjet e tyre, 24 orë në ditë, nga oficerë të lartë, dado dhe trajnerë profesionistë. Aspekti më kurioz, megjithatë, ka të bëjë me marrëdhënien që dy fëmijët do të kishin me babain e tyre, pasi ata kalojnë shumë pak kohë me të.

Izolimi i djemve

“Dossier Center” ofroi një vështrim të paprecedentë në jetën e fëmijëve më të fshehtë të Rusisë, siç janë quajtur fëmijët e Putinit. Ivan dhe Vladimir Junior nuk do të largoheshin kurrë nga rezidencat e babait të tyre në Shën Petersburg dhe Valdai, ata nuk do të ndiqnin kurrë një shkollë, në kuptimin publik, së bashku me bashkëmoshatarët e tjerë, dhe nuk do të kishin miq të moshës së tyre. Nuk mbaroi këtu. Ka një detaj tjetër interesant që ia vlen të përmendet: sipas asaj që u raportua nga faqja ruse, familja Putin iu drejtua një agjencie që publikon reklama për të gjetur mësues të anglishtes në Rusi 7700 euro në muaj. Agjencia saktësoi se kishte kohë që bashkëpunonte me këtë familje të paspecifikuar dhe se tashmë kishte gjetur disa mësues të anglishtes dhe gjermanishtes për ta. Ky shpallje ndryshonte nga reklamat e zakonshme të punës të postuara në faqen e internetit English Nanny, dhe jo vetëm për shkak të pagës bujare. Por edhe për preferencën që u jepet kandidatëve me pasaportë të Afrikës së Jugut, kërkesa që të pranojnë dy javë analiza mjekësore përpara se të nisin çdo aktivitet dhe të mos largohen nga territori ku banon familja misterioze.

Detajet e reja

Herë pas here reklama zhduket nga faqja dhe më pas ripostohet dhe ndryshimi i vetëm është mosha e fëmijëve. Familja e Putin, shkruante “Dossier Center”, do të kishte nevojë vazhdimisht për mësues të rinj; Qarkullimi i stafit është i lartë sepse, siç thotë një burim i stafit të shërbimit, “nuk është e lehtë të shkosh mirë me familjen .” Për më tepër, pak të huaj duan të punojnë në Rusi, veçanërisht pas fillimit të luftës, dhe shumë janë të dekurajuar nga izolimi i ashpër. Shumë punonjës të qeverisë kanë punuar për familjet e tyre dhe gjetja e kandidatëve të rinj është gjithnjë e më e vështirë, kështu që mësuesit e anglishtes tani rekrutohen nga vende të ndryshme anglishtfolëse, duke përfshirë Afrikën e Jugut. Një arsye tjetër për këtë zgjedhje është gjeopolitike, sipas një burimi të personelit të shërbimit: ka një mosbesim të përgjithshëm ndaj të huajve, por Afrika e Jugut perceptohet si një vend miqësor me Rusinë.

Jetesa luksoze

Raportet tregojnë se Putini ka investuar shumë në pasuri të paluajtshme për Kabaeva dhe familjen e saj, me prona të financuara përmes kanaleve të paligjshme. Kabaeva besohet se banon në një vilë luksoze prej 13,000 metrash katrorë në pronën e Putinit pranë liqenit Valdai, e ndërtuar në një stil tradicional rus. Thuhet se përfiton edhe familja e saj e gjerë, me prona me vlerë miliona, të gjitha pjesë e një përpjekjeje për t’i mbrojtur ata nga shqyrtimi publik. Alina Kabaeva, 41 vjeç, ishte dikur një yll në botën e gjimnastikës ritmike, duke debutuar profesionalisht në moshën 13-vjeçare. Edhe pse zyrtarisht e papërfshirë në politikë tani, Kabaeva mbetet nën syrin e publikut, shpesh e quajtur “Zonja e Parë e Rusisë” ose “Zonja e Parë Sekrete”. Ajo ka shmangur kryesisht vëmendjen, veçanërisht pas raportimeve se ajo kishte lindur binjakë në vitin 2015.

Forcat ruse kanë marrë kontrollin e fshatit Memrik, në rajonin Donetsk të Ukrainës lindore, raporton agjencia shtetërore ruse e lajmeve TASS, duke cituar ministrinë e mbrojtjes të vendit. Sulmet ruse dhe ukrainase ndërrohen në frontin lindor. Anëtarët e brigadës së 63-të të mekanizuar të Ukrainës ngritën flamurin ukrainas në qytetin e Nju Jorkut në rajonin e Donjeckut, ndoshta gjatë fundjavës. Ditët e mëparshme në atë zonë u zhvillua një kundërsulm ukrainas.Me ndihmën e Batalionit Azov, Brigada e 53-të e Mekanizuar e Ushtrisë së Ukrainës arriti të sulmojë me tanket e saj T-72 dhe T-64, si dhe mjetet luftarake BMP. Lufta për Nju Jorkun nuk ka mbaruar.

Qendra e Ukrainës për Strategjitë e Mbrojtjes thotë se luftimet vazhdojnë në pjesët veriore dhe lindore të qytetit, në veri të vetë qytetit dhe në zonën e Nelipivka.

Kujtojmë se më 20 gusht, ushtria ruse mori kontrollin e Nju Jorkut, të cilin e cilësuan si një qendër logjistike me rëndësi strategjike. Moska ka shtuar sulmet ajrore në qytetet kryesore të Ukrainës javët e fundit, duke kërkuar të zmbrapsë një ofensivë të madhe ukrainase në rajonin Kursk të Rusisë. Kievi filloi ofensivën e tij në Kursk me shpresën për të detyruar Rusinë të dislokonte trupat e saj që përparojnë aktualisht në lindje të vendit.

Por Moska duket se po shton sulmet e saj në rajonin e Donetskut. Në gusht, atje u regjistruan pushtimet më të mëdha territoriale ruse në pothuajse dy vjet. Ushtria ruse njoftoi të dielën se kishte kapur Novokhrodivka në Ukrainën lindore dhe po përparonte drejt Pokrovsk-it me rëndësi strategjike. Ky qytet i vogël ndodhet njëzet kilometra larg Pokrovsk, një qendër e rëndësishme logjistike e ushtrisë ukrainase.

Zyrtarët ukrainas kanë thënë më 10 shtator se sulme të shumta ruse me dronë dhe raketa kanë shënjestruar Kievin dhe infrastrukturën kritike në verilindje të Ukrainës.

Ndërkohë, zyrtarët rusë kanë thënë se sulmet me dronë, të nisura prej Ukrainës, kanë vrarë një grua afër kryeqytetit dhe kanë detyruar pezullimin e fluturimeve në tri aeroporte në Moskë.

Guvernatori i rajonit të Moskës, Andrei Vorobyov, ka thënë se një grua 46-vjeçare është vrarë dhe katër të tjerë janë plagosur në qytezën Ramenskoje, kur dronët kanë goditur ndërtesat në rajonin e Moskës.

Dhjetëra banorë janë evakuuar prej një blloku tejet të dëmtuar të banesave, kanë thënë zyrtarët.

Mediat lokale kanë cituar burime të mbrojtjes ruse të kenë thënë se njësitet për mbrojtje ajrore kanë shkatërruar 144 dronët ukrainas që kanë depërtuar në qendër të Rusisë gjatë natës.

Autoriteti kombëtar i aviacionit në Rusi, Rosaviyatsiya, ka thënë se si pasojë e sulmeve me dronë janë pezulluar fluturimet në tri aeroportet në Moskë - Domodedovo, Zhukovski dhe Vnukovo – për arsye të sigurisë.

Disa orë më vonë, aeroportet është thënë të jenë funksionalizuar.

Ndërkohë, forca ajrore ukrainase ka thënë se Rusia ka kryer sulme gjatë natës me dy raketa dhe të paktën 46 dronë, por që ka arritur t'i rrëzojë 38 dronë.

Zyrtarët në Kiev kanë thënë se nuk është raportuar për dëme në qytet.

Në rajonin veriperëndimor të Ukrainës, Sumi, administrata ushtarake ka thënë se forcat ruse kanë kryer sulme në infrastrukturë kritike.

Radio Evropa e Lirë nuk i ka verifikuar pretendimet e asnjërës palë.

Ndonëse Moska ka kryer sulme me dronë dhe raketa qysh prej nisjes së luftës, 36 muaj më parë, ajo është duke u përballur secilën herë e më shumë me sulme me dronë të nisura prej Ukrainës.

Lufta në Ukrainë ka nisur më 24 shkurt 2022.

Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL

Pamjet e filmuara nga ajri, shfaqin momentin kur një ushtar rus hidhet në erë nga droni ukrainas i mbushur me eksploziv.

Ajo çfarë e bën këtë sulm më të veçantë, është se ushtari arrin ta kap dronin që i fluturonte pak centimetra larg derisa po ikte.

Por në momentin që humb forcën dhe nuk vrapon më, vendosë ta gjuaj në tokë – veprim ky që i kushtoi me jetë.

Me kontaktin me asfaltin, fluturakja pa pilot e mbushur me eksploziv aktivizon lëndën shpërthyese dhe e hedhë në erë ushtarin.

Në video shihet trupi i pajetë i shtrirë në mes të rrugës, kurse mediat ukrainase thonë se ishte operatori i dronit që aktivizoi lëndën shpërthyese.

Sulmi ka ndodhur në rajonin e Kurskut të Rusisë, ku forcat ukrainase prej javësh kanë filluar inkursionin – duke zënë në befasi trupat e Vladimir Putinit. 

Një video e presidentit rus Vladimir Putin, e cila është marrë ndërsa ai ishte duke vizituar një shkollë në Tuva, Rusi, u bë shpejt virale në mediat sociale.

Ajo u bë virale sidomos pasi u shpërnda nga ish-këshilltari i ministrit të Brendshëm të Ukrainës, Anton Gerashchenko.

“Putin pyeti një nxënëse në Tuva se sa larg është për të që të shkojë nga shtëpia në shkollë. Përgjigja e saj bëri që drejtori i shkollës të përjetonte panik të plotë”, ka shkruar Gerashchenko në përshkrimin e videos.

Ndryshe, aty shfaqet Vladimir Putin në një shkollë, duke folur me punonjësit dhe nxënësit.

Por ajo që u bë virale ka të bëjë me momentin kur Putini flet me një vajzë të vogël, duke e pyetur se sa larg është shkolla e saj nga shtëpia e saj.

“Mjaft larg”, përgjigjet ajo, “dy kilometra”.

Në atë moment shihet drejtori i shkollës duke tentuar t’i bëjë shenjë vajzës me lëvizje të kokës që të mos thotë se sa larg jeton nga shkolla.

Putin asked a schoolgirl in Tuva how far it is for her to get from home to school. Her answer led the school principal to experience utter panic. pic.twitter.com/siLV11LkFa

— Anton Gerashchenko (@Gerashchenko_en) September 3, 2024

Dhe duke qenë se para tij gjendej njeriu kryesor që nisi luftën kundër Ukrainës, ai u pa në gjendje paniku të plotë.

Kur vajza iu përgjigj Putinit, drejtori i shkollës u thirr menjëherë për një ‘raport’.

“Si do të shkojnë fëmijët në shkollë?”.

Ky i fundit i përgjigjet se do të organizojë autobusë dhe minibusë dhe më pas fillon të murmuritë nën zë dhe biseda nuk dëgjohet më. 

Forcat ruse kanë marrë kontrollin e fshatit Memryk, në rajonin lindor të Donetskut të Ukrainës, raporton agjencia ruse e lajmeve TASS, duke cituar ministrinë e mbrojtjes të vendit.

Sky News nuk ka qenë ende në gjendje të verifikojë në mënyrë të pavarur raportin.

Forcat ruse po përparojnë në Ukrainën lindore në përpjekje për të marrë të gjithë Donbasin.

Ata aktualisht kontrollojnë rreth 80% të rajonit lindor.

Rusia ka nisur një valë tjetër sulmesh në kryeqytetin ukrainas, me raketa dhe dronë që synojnë Kievin dhe objektet energjetike në disa rajone, thanë zyrtarët. Sipas raporteve të Ukrainës, të paktën tetë persona janë vrarë dhe më shumë se 30 janë plagosur në 24 orët e fundit.

“Ishte sulmi i pestë ajror në Kiev që nga fillimi i shtatorit,” postoi administrata ushtarake e qytetit në Telegram.

Forcat e mbrojtjes ajrore të Ukrainës raportuan të hënën rrëzimin e dy raketave dhe gjashtë dronëve.

Rusia sulmoi nga rajoni Kursk i Rusisë, ku Ukraina filloi një ofensivë kohët e fundit, dhe gjithashtu nga rajoni lindor i okupuar i Donetsk-ut me tre raketa dhe tetë dronë.

Ministria e Energjisë e Ukrainës tha të hënën se sulme të mëdha në objektet energjetike kishin ndodhur në 24 orët e fundit në rajonet Dnipropetrovsk, Donetsk, Zaporizhzhya, Sumy, Kharkiv, Kherson dhe Chernigov