Visar Bekaj është aktualisht portieri më i mirë i Superiores.
Në Tiranën që ka kaluar disa luhatje në këtë sezon të ri, bardheblutë janë mbajtur nga duart e një heroi pasi do të kishin më pak pikë në renditje.
Ndërkohë gardiani i kampionëve të Shqipërisë ka qenë i ftuar në emisionin sportiv të mirënjohur “Pressing” që transmetohet në “Abc News”. Atje është folur edhe sa i përket zgjedhjes së Kombëtares, me Bekaj që i ka idetë e qarta.
“E dua Kosovën, jo se nuk e dua Shqipërinë. Pa dashur ta përçmoj Shqipërinë, por jam rritur në Kosovë.
Sigurisht Shqipërinë e dua. Më rreh zemra për Kosovën dhe jam i kënaqur vetëm për faktin që më fton”, tha Bekaj.
