Kanë mbetur më pak se një orë deri në fillimin e takimit të Superkupës së Kosovës në futboll, ndërmjet Dritës dhe FC Prishtinës.
Dy trajnerët e dy skuadrave tashmë kanë vendosur për përbërjet startuese në këtë takim që zhvillohet në stadiumin “Mardan” të Antalisë.
FC Prishtina do të luftojë për t’u pasuruar me trofeun e dhjetë të Superkupës në histori të klubit, derisa Drita e Gjilanit synon të dytin.
Formacionet zyrtare: Drita: Rexhepi, Limani, Gerbeshi, Jamal, Blakqori, Namani, Vucaj, Fazliu, Ajzeraj, Xh.Shabani, Rexha. Trajner: Ardian Nuhiu.
FC Prishtina: Haxho, Krasniqi, Dellova, Bekteshi, Mici, Boshnjaku, Lilaj, Zyba, E.Krasniqi, Abazi, Kryeziu. Trajner: Zekirija Ramadani.
Ballafaqimi fillon nga ora 12:00.
