Andrea Pirlo ka thurur lëvdata për yllin e skuadrës Cristiano Ronaldo i cili feston ditëlindjen e 36-të.
Cristiano Ronaldo vazhdon të jetë protagonist në futboll, pavarësisht se sot feston 36 vjetorin e lindjes.
Juventusi do të ndeshet me Romën në kuadër të xhiros së 21-të të Serie A dhe Andrea Pirlo ka cilësuar se do jetë një ndeshje e vështirë.
“Do të jetë një ndeshje kundër një skuadre që zhvillon futboll me cilësi të lartë, duhet të jemi të shkëlqyeshëm dhe të gabojmë pak duke mos ju dhënë lirinë e lojës në kundërsulm”, tha ai.
“E dija që është një profesionist, por duke e parë në stërvitje çdo ditë ishte një befasi”, shtoi ai.
“Ka ende pasion dhe zbavitet, është gjëja më e rëndësishme kur ke fituar të gjitha dhe ke thyer çdo rekord. Do të thotë që është një hero, sikur Buffon, Bonucci dhe Chiellini”, përfundoi Andrea Pirlo.
