Cristiano Ronaldo mbeti i mllefosur dhe tërbuar pasi kërkesat e tij për një penallti në çastet e fundit të humbjes së Juventusit kundër Portos u hodhën poshtë nga gjyqtari.
Juventusi u mposht 2:1 nga Porto në ndeshjen e parë të 1/8 së finales në Ligën e Kampionëve të mërkurën në Estadio do Dragao.
Në çastet e fundit të kohës shtesë, Ronaldo e ndali topin në zonë kur u pengua nga Zaidu dhe u rrëzua në tokë.
Për gjyqtarin spanjoll Carlos del Cerro Grande kontakti nuk ishte i mjaftueshëm sa për të dhënë penallti në këtë rast.
VAR-i nuk ndërhyu, po ashtu, pasi Grande e përfundoi ndeshjen.
Ronaldo e shprehu tërbimin e tij me gjyqtarin dhe u pa duke i bërtitur atij gjatë lojës dhe pas përfundimit të saj.
