Paolo Maldini, drejtori sportiv i Milan-it, ka lajmëruar lamtumirën e Gianluigi Donarumma-s nga kuqezinjtë.
“Besoj se duhet të falënderohen të gjithë futbollistët që kanë bërë këtë sezon të jashtëzakonshëm”, ka thënë ish-mbriojtësi në Tëitch për AC Milan Talk.
“Gigio ka qenë lider dhe shpesh kapiten. Njerëzit e kanë të vështirë të kuptojnë se çfarë do të thotë të jesh profesionist, të jesh gati të ndërrosh fanellë. Është e vështirë të pranohet”, ka shtuar Maldini.
“Duhet patur respekt për ata që i kanë dhënë shumë Milan-it, ai ka treguar gjithmonë respekt ndaj nesh. Rrugët ndahen, nuk mund të bëj gjë tjetër vetëm sa t’i uroj më të mirën”.
