Emir Sahiti ka qenë protagonist mbrëmjen e sotme në fitoren 2-0 të arritur nga Hajduku i Splitit.
Përballë në fushën e lojës qendronin lojtarët e Slaven Belupos, të cilët u larguan pa pikë nga kjo tranfertë.
Goli i parë mban firmën e Sahitit, që në minutën e 35 merr një top në mesfushë dhe nuk ndalet derisa gjendet përpara portierit kundërshtar.
Futbollisti shqiptar ka çarë mbrojtjen e Slaven Belupos, ndërsa më pas ka mposhtur edhe portierin rival. Emir Sahiti feston kështu golin e parë në kampionat për këtë sezon, ku synon të përsërisë suksesin personal të arritur vjet në huazim te Shibeniku.
