Christian Vieri e ka lavdëruar sulmuesin e Borussia Dortmund dhe Norvegjisë, Erling Braut Haaland. “Madje as Marco van Basten nuk ka qenë kaq i mirë në moshën 20 vjeçare”
Përfaqësuesi në pension i Italisë është jashtëzakonisht i impresionuar nga Haaland, i cili i ka mbushur 21 vjeç dhe ka shënuar 41 gola në 41 ndeshje zyrtare për klubin e tij në sezonin e kaluar.
Vieri ka folur në kanalin e tij në Twitch, Bobo TV, derisa është pyetur nëse Haaland është një përzierje e tij dhe Adrianos.
“Kam luajtur me Adrianon kur ai ishte 20 vjeç, por braziliani nuk ishte më i fortë se Haaland”, është përgjigjur ish sulmuesi i Interit.
“Nuk kam parë dikë në 20-30 vitet e fundit më të mirë se Haaland në rolin e qendërsulmuesit. Madje as Van Basten nuk ishte më i mirë se ai në moshën 20 vjeç”.
Haaland po ashtu ka shënuar 12 gola në vetëm 15 paraqitje për Kombëtaren A të Norvegjisë.
