Juventus e ka mbyllur vitin 2021 me një fitore në kampionat kundër Cagliari-t që e ka çuar, pas një fillimi të vështirë të sezonit, vetëm 4 pikë larg nga vendi i katërt që mbahet nga Atalanta.
Pavarësisht ngjitjes së pozicioneve në renditje, bardhezinjtë kanë arritur të sistemojnë klasifikimin, por nuk i kanë bindur të gjithë. Një nga këta është ish-mbrojtësi i Inter-it, Beppe Bergomi.
Ka qenë kritik komenti i ish-futbollistit, i cili nuk shikon lojtarë te bardhezinjtë që meritojnë të përfshihen në top 11 e Serisë A për fazën e parë:
“Nëse do bëja skuadrën time të më të mirëve, nuk do të përfshija asnjë lojtar të Juventus-it”, ka thënë Bergomi për Sky Sport.
“Ajo që mund të them është se gjëja e rëndësishme e bardhezinjve, gjëja me të vërtetë pozitive, është se është ngjitur në renditje. Ishte ajo që duhej për të fituar besimin në vete. Për lojën vazhdoj të pres…".
