Ousmane Dembele mund të largohet nga Barcelona në janar apo të paktën në verë, pasi bisedimet mes përfaqësuesve të tij dhe klubit për vazhdimin e marrëveshjes dështuan plotësisht këtë javë.
Bisedimet nuk shkuan siç kishte pritur klubi katalonas dhe kërkesat e Dembeles për vazhdimin e kontratës nuk u plotësuan.
Sipas mediave në Spanjë, ka mospajtime të mëdha mes palëve në propozimet për pagën.
Megjithatë, Xavi dhe drejtuesit e klubit mbesin me shpresa se marrëveshja mund të arrihet.
Marrëveshja e tanishme e Dembeles mbaron në fund të këtij sezoni, më 30 qershor, dhe ai është i lirë të bisedojë për parakontratë me klubet e tjera nga 1 janari.
Dembele kërkon pagë të cilën klubi nuk është i gatshëm t’ia ofrojë për shkak të telasheve financiare.
