Skuadra e Manchester Unitedit ka gjasa të mëdha që t’i sigurojë shërbimet e mesfushorit Fabian Ruiz gjatë afatit kalimtar të janarit, ka raportuar “La Repubblica” të enjten.
Unitedi ia ka ofruar Napolit 50 milionë euro dëmshpërblim për spanjollin që ka refuzuar rinovimin e kontratës që i skadon në vitin 2023.
Napoli është i gatshëm ta lirojë Ruizin gjatë këtij muaji nëse arrin marrëveshje me Sassuolon për transferimin e Davide Fresit.
Ruiz 25-vjeçar iu bashkua Napolit nga skuadra e Betisit për 30 milionë euro. Këtë edicion, Ruiz ka shënuar pesë gola dhe ka bërë tre asistime në 19 paraqitje për Napolin.
