Një tjetër emër kandidat për sulmin e Barcelonës po qarkullon këto ditë në mediat spanjolle.
Sipas së përditshmes “Marca”, katalanasit janë vënë në ndjekje të sulmuesit të Mançester Sitit, Gabriel Zhezus.
Braziliani 25-vjeçar nuk luan rregullisht te “Qytetarët” dhe po mendon një transferim diku tjetër.
Për më shumë akoma nëse Erling Haland do t’i bashkohet Sitit, siç pretendojnë mediat në Angli. Vlera e sulmuesit llogaritet në afro 30 milionë euro.
Duke qëndruar te merkatoja e Barçës dhe lidhjet e saj me Premier Ligën, mediat në Angli kanë bërë me dije se Aston Vila ka kërkuar një ulje çmimi për të firmosur me Kutinjon.
Barcelona e vlerëson me 40 milionë euro brazilianin, por klubi nga Birmingemi shpreson në një shifër më të ulët.
