Duke njohur ngjeshjen e kalendarit në këtë sezon ku në mes ishte edhe Kupa e Botës, trajneri i Manchester City,
Pep Guardiola është detyruar në shumë raste të bëj rotacion në 11-tëshen titullare. Mirëpo, një zgjedhje e tillë nga spanjolli ka lënë të pakënaqur Aymeric Laporte.
Mbrojtësi nuk ka vazhdimësinë e pritur në radhët e The Citizens, ndaj së fundmi “sport.es” bën të ditur se 28-vjeçari është i prirur të provojë një aventurë të re në merkaton e verës. Dhe, klubi i preferuar i mbrojtësit është Barcelona.
Katalanasit në fakt e pëlqejnë opsionin për të transferuar Laporte mirëpo për momentin i kanë “duart e bllokuara” për shkak të problemeve financiare.
Në këtë sezon, Laporte është penalizuar edhe nga problemet fizike që nuk e kanë lejuar të jetë konstant përgjatë sezonit duke koleksionuar vetëm 15 paraqitje.
Nga ana tjetër, nëse Laporte largohet në verë nga City, atëherë anglezëve iu lirohet një vend në prapavijë teksa menjëherë do të hidhen në sulm për Josko Gvardiol të Leipzig.
