Partizani rikthehet te triumfi në kampionat dhe atë e bën në derbin ndaj Tiranës në “Air Albania”, teksa “bardheblutë” vuajnë për javën e dytë radhazi mungesën e fitores.
“Të kuqtë” e kryeqytetit përmbysën me rezultatin 2-1 “bardheblutë” në një takim që rezultoi shumë i luftuar dhe spektakolarë.
Ishin “bardheblutë” e kryeqytetit ata që gjetën të parët rrugën drejt rrjetës.
Në minutën e 7’ me Tiranën që u hodh në kundërsulm, pas tentativës së Abazajt që u ndal nga portieri Hoxha, topi përfundoi te Latifi, me sulmuesin “bardheblu” që e finalizoi në fund të rrjetës dhe kaloi miqtë në avantazh.
Megjithatë pas një ndërhyrje të gabuar të portierit Abdullahu ndaj Skukës, Partizani fitoi penallti që u ekzekutua më së miri nga sulmuesi i “të kuqve” në minutën e 32’.
Pak para fundit të pjesës së parë, në minutën e 43’ pas një kombinimi të bukur me Rrapajn, Cara kalon mbrojtjen e Tiranës dhe e dërgon topin në fundin e rrjetës, duke përmbysur rezultatin në fraksionin hapës.
Pjesa e dytë nga ana tjetër solli raste të shumta, megjithatë nuk dhuroi ëm gola.
Pas javës së 24-ët të kategorisë Superiore, Partizani renditet në vend të dytë me 40 pikë,teksa Tirana në vend të katërt me 34 pikë.
