Tek Juventus po planifikohen manovra të mëdha, me synimin e qartë për të revolucionarizuar ekipin pas lamtumirës së Massimiliano Allegrit, me të cilin ka nisur edhe një betejë ligjore.
Bardhezinjtë do të rinisen nga Thiago Motta, nga idetë e tij, nga dëshira për të ndërtuar një ekip të fortë, teknik dhe mbi të gjitha të organizuar, por që lë vend edhe për talentin.
Në përvojën e tij te Bologna, u pa sa e rëndësishme është mesfusha për të zbatuar idenë e tij taktike. Duhen lojtarë që dinë të vrapojnë me topin shpejt, por që kanë gjithashtu shumë kilometrazh në këmbë, aftësi për të depërtuar dhe forcë për të goditur.
Për këtë arsye, objektivi i parë i identifikuar nga bardhezinjtë është (dhe mbetet) Teun Koopmeiners. Atalanta, megjithatë, qëndron e vendosur dhe vazhdon të kërkojë shuma astronomike për holandezin, të paktën 60 milionë euro, me dëshirën për të mos e shitur.
Për këtë arsye, në orët e fundit Matteo Guendouzi është shfaqur si një objektiv i ri për mesfushën. Për Lazion ai ishte i sigurt në sezonin e fundit, por pa e vjedhur kurrë vëmendjen.
Sigurisht francezi nuk ka saktësisht i njëjti profil me Koopmeiners. Para së gjithash, për numrin e golave që të dy mund të sjellin dhe që kanë sjellë deri tani në karrierën e tyre, dhe më pas për aftësitë e tyre teknike dhe cilësinë në zotërimin e topit.
Me pak fjalë, Guendouzi në thelb ka karakteristika të tjera që nuk janë pikërisht ato që u përshtaten bardhezinjve, të paktën në letër. Tifozët, në fakt, nuk e kanë pritur shumë mirë dhe në rrjetet sociale nuk kanë vonuar të shprehin pakënaqësi rreth operacionit.
“Ju lutem, mos e bëni”, ka qenë komenti më i shpeshtë i tifozëve të Juventusit.
