Lorik Boshnjaku është zyrtarisht futbollisti më i ri i skuadrës të inkuadruar në Superligë, FC Suhareka.
Ka qenë faqja zyrtare e Suharekës që ka konfirmuar se Boshnjaku ka nënshkruar një kontratë tre vjeçare me klubin.
Boshnjaku është prezantuar nga presidenti i klubit Rrustem Aliaj, derisa aty ishin edhe drejtuesit tjerë të këtij klubi si Shaqir Rrahmanj, Jetmir Bytyqi e Bajram Sherifi.
"Ju prezantojmë transferimin e ri dhe të parin për këtë merkato mesfushorin Lorik Boshnjaku i cili bashkohet me klubin tonë me kontratë 3-vjeçare.
Pas një eksperience në Shqipëri tek Vllaznia Boshnjaku rikthehet në futbollin Kosovar ku më parë ishte pjesë e Prishtinë për vite të tëra.
Prezantimi i futbollistit është bërë në ambientet e BSR Group në pronësinë e aksionarit tonë të klubit z.Shaqir Rrahmanaj gjithashtu në prezantim të futbollistit ishte i pranishëm presidenti i klubit tonë z.Rrustem Aliaj, z.Jetmir Bytyqi dhe drejtori menagjerial z.Bajram Sherifi që udhëtuan drejt Zvicrrës për të nënshkruar kontratën.
Ditëve në vijim do bëhet prezantimi në fanellat e FC Suhareka", njofton Suhareka.
