Në qershor e fituan Ligën e Kampionëve me Real Madridin, por të premten Joselu i Spanjës dhe Toni Kroosi i Gjermanisë përballen me kombëtaret e tyre në çerekfinale të Kampionatit Evropian.
Kroosi tashmë e ka përfunduar karrierën me klubin, duke varur atletet menjëherë pas finales me Borussia Dortmundin.
Ai natyrisht që shpreson që ndeshjen e fundit ta ketë finalen e Evropianit që zhvillohet pikërisht në vendlindjen e tij, por këtë dëshirë po dëshiron t’ia prishë Joseluja.
“Shpresoj që ta pensionojmë para kohe Kroosin”, ka thënë ai për mediat, duke aluduar në dëshirën për fitore të Spanjës.
