Sulmuesi i Shqipërisë, Rey Manaj, nuk do të largohet nga Sivasspori.
Ai ka vendosur të mbetet pjesë e klubit turk deri në fund të edicionit aktual. Kështu ka raportuar gazeta turke “Sok” të martën.
“Manaj ka njoftuar drejtuesit e klubit se është i lumtur në Turqi dhe Sivasspor dhe ka vendosur të mos transferohet në një klub tjetër të paktën këtë sezon”, shkruan gazeta turke.
Interesimi për Manajn ishte i madh pas paraqitjeve të mira me fanellën e Sivassporit. Për Sivassporin ka shënuar 22 gola në 39 ndeshje.
Manaj 27-vjeçar iu bashkua Sivassorit në gusht të vitit të kaluar. Ai ka kontratë me klubin turk deri në vitin 2026.
