Kategoria Superiore hap sot javën e 3-të të saj me 3 ndeshjet e para.
Në orën 17:00, Laçi pret Byisin në shtëpi për të kërkuar fitoren e parë në kampionat. Ballshiotët nga ana tjetër vijnë pas fitores dramatike ndaj Dinamos duke mbajtur moralin lart.
Në mbrëmje, në orën 20:00 luhen 2 sfidat e fundit ku Vllaznia dhe Partizani sfidojnë në transfertë Skënderbeun e Teutën respektivisht. Shkodranët e ‘Demat’ kërkojnë të nisin ecurinë pozitive për të shtruar rrugën drejt rezultateve që presin si dy pretendentë për titullin kampion.
Korçarët e nisën keq sezonin me 1 humbje dhe 1 barazim, ndaj në shtëpi përballë tifozëve të tyre kërkojnë fitoren e parë. Edhe Teuta synon kthesën në ‘Niko Dovana’ pas asaj humbjeje turpëruese ndaj Elbasanit.
Ndeshjet:
17:00
Laçi – Bylis | Stadiumi “Laç”
20:00
Skënderbeu – Vllaznia | Stadiumi “Skënderbeu”
Teuta – Partizani | Stadiumi “Niko Dovana”
