Në një intervistë të gjatë me “Gazzetta dello Sport”, ish-trajneri Arrigo Sacchi përshkruan planet për kampionatin e ri të Serie A: “Puna e Thiago Motta më intrigon shumë.
Dy ndeshjet e para shkuan mirë, pastaj në këtë periudhë ulje-ngritjesh pati njëlloj frenimi ndaj Romës.
Sidoqoftë, Juventusi është aty, duke u rindërtuar. Duhet të mendojë për disa versione loje, të adaptohet brenda një ndeshjeje, veçanërisht nëse gjen një kundërshtar si Roma. Jam i bindur se Motta do të ndërtojë një Juventus që mund të imponohet me futboll sulmues.
Koopmeiners ka një goditje të shkëlqyer, Thiago do të kërkojë shumë gola prej tij. Atalanta humbi cilësinë pa të, tani duhet të gjejë sërish versionin më të mirë të Lookman”.
Sacchi flet edhe për Napolin dhe Lukakun e sapogjetur: “Kam shumë respekt për Antonio Conten, një nga ata trajnerë që jep jetën. Lukaku nuk më ka emocionuar kohët e fundit, por nëse Conte e ka dashur me ngulm, është sepse e njeh mirë.
Napoli do të jetë në gjendje të mendojë vetëm për kampionatin.
Liga e Kampionëve tashmë do t’i shtrydhë fizikisht ekipet, kjo formulë e re mund t’iu marrë shumë energji. Surpriza e Serie A? Parma luan mirë, Pecchia e di se çfarë po bën. Sidoqoftë, unë nuk e kam parë Torinon të luajë kështu për një kohë të gjatë”
