Sulmuesi gjerman i Bayern Munchen, Thomas Muller, ka paralajmëruar Barcelonën dhe trajnerin e tyre, Hansi Flick, para përballjes së sotme në Ligën e Kampionëve.
Barcelona do të përballet sonte me Bayern Munich në ndeshjen që do të zhvillohet në stadiumin “Montjuic” në orën 21:00.
Skuadra gjermane po vepron paksa shumë e sigurt përpara ndeshjes në Ligën e Kampionëve dhe këtë e tregon një detaj i fundit.
Ylli i bavarezëve, Muller, postoi një foto të buzëqeshur të tij dhe shokëve të skuadrës në rrugën e tyre për në Kataloni.
Ai përveç tjerave, paralajmëroi edhe ish-trajnerin e tij, tani trajnerin e Barcelonës, Hansi Flick.
“Për të gjithë ju që po e prisni… në Barcelonë. Gjithmonë të veçantë, Hansi ne po vijmë”, ka shkruar Muller në postimin e tij.
