Struga Trim Lum sot synon fitore ndaj Besës së Dobërdollit.
Ndeshja luhet në Gostivar në orën 13.00 në kuadër të Kampionatit të Maqedonisë së Veriut.
Bashkim Livoreka, ndihmëstrajner, shpreh optimizmin: “Besa e Dobërdollit është një skuadër debutuese në Ligën e Parë, mirëpo mos të harrojmë se për disa lojtarë nuk është hera e parë që luajnë në mesin e më të mirëve në futbollin vendor.
Skuadra nga Dobërdolli në radhët e veta ka futbollistë, jo vetëm që kanë luajtur në Ligën e Parë, por që janë edhe fitues të titujve dhe kupave të ndryshme.
Sa u përket njohurive tona për ata lojtar, normal që i njohim për së afërmi kualitetet e tyre, pasi bashkë me ta kemi qenë në skuadra të ndryshme. Por mos të harrojmë se edhe ata njohin filozofinë dhe strategjinë tonë, kështu që do të jetë një ndeshje e bukur për shikuesit. Mendoj se në ndeshjen e sotme çdo gjë është e hapur”.
