Al Nassr i ka hedhur sytë te Jhon Duran, sulmuesi i ri kolumbian që aktualisht luan për Aston Villa-n, për të forcuar sulmin e tyre dhe për të formuar një dyshe të frikshme përkrah Cristiano Ronaldo-s.
Në këtë mënyrë klubi saudit shton ambicien për të ndërtuar një ekip konkurrues me yje ndërkombëtarë. Duran, 21-vjeç, shihet nga klubi saudit si një investim premtues për të ardhmen me potencial të madh.
Duran ka spikatur këtë sezon tek Aston Villa, duke shënuar 7 gola në 22 ndeshje në Premier League. Kolumbiani ka tërhequr vëmendjen e disa prej klubeve kryesore evropiane, duke përfshirë Paris Saint Germain, i cili paraqiti një ofertë prej 75 milionë euro për sulmuesin. Megjithatë, Aston Villa zgjodhi të refuzojë propozimin, duke treguar se sa shumë e vlerëson kolumbianin dhe pritshmëritë e mëdha që ka ndaj tij.
Tani, interesimi i Al Nassr shton një kapitull të ri në konkurrencën në rritje për transferimin e mundshëm të tij.
Ende nuk bëhet e ditur shuma që Al Nassr do të propozojë për kartonin e 21-vjeçarit, por synimi i tyre është i qartë që duan të krijojnë një ekip kompetitiv, jo vetëm me lojtarë që janë në fund të karrierës por edhe me elemtë të rinj premtues që garantojnë një sukses afatgjatë.
