Klubi nga “Kamp Nou” thuhet se ka identifikuar tashmë një sulmues brazilian për të transferuar gjatë afatit kalimtar të verës.
Sipas mediumit “El Gol Digital”, Barcelona po kërkon të forcojë sulmin e saj dhe ka identifikuar Gabriel Martinellin si objektivin kryesor përpara Nejmar Junior. Sulmuesi anësor i Arsenalit, i cili ka performuar në një nivel të lartë për disa sezone, shihet si një opsion i fortë për krahun e majtë nën drejtimin e Hansi Flik.
Klubi katalunas ende nuk ka finalizuar planet e tyre për atë pozicion, me Rafinja që aktualisht është duke zënë këtë rol. Ferran Torres është një tjetër opsion, por ai nuk i përshtatet plotësisht qasjes taktike të Flik.
Ndërsa Nejmar konsiderohej për një rikthim, drejtori sportiv Decko nuk është në favor, për shkak të moshës së brazilianit dhe historisë së lëndimeve.
Në vend të kësaj, Barcelona po përgatit një ofertë prej 45 milionë eurosh për Martinellin, pavarësisht se vlera e tij në treg është 55 milionë euro.
Arsenali mund të jetë i hapur për negociata, ndoshta duke përfshirë përfitimet e ardhshme të shitjes.
Lëvizja mbetet në diskutim, me Barcelonën që monitoron nga afër situatën e Martinellit. Megjithatë, një pjesë e bazës së tifozëve ende preferon rikthimin e Nejmar Jr.
