Kastriot Jupa është lojtari i pa konkurrencë në Kosovë. Ai është anëtar i kampionit në fuqi Besa Famgas nga Peja dhe reprezentues i Kosovës, ndërsa sot u zgjodh hendbollisti më i mirë për vitin 2020.
Ky çmim Jupën e motivon edhe më shumë për të synuar suksese të tjera me Besën, gjithsesi rezultate të mira edhe me Kombëtare.
Jupa për herë të gjashtë është shpallur hendbollisti më i mirë i vitit në Kosovë.
“Të them të drejtën ky çmim është i pritshëm për mua, sepse kisha njërin ndër sezonet më të mira në karrierë.
Normalisht, kur shpërblehet mundi i tërë vitit, të jep një motiv që të vazhdosh të punosh”, ka thënë pivoti Jupa.
