Shkodran Humolli, i dyshuar për plagosjen e Fatlum Jetullahut, tashmë është në duart e policisë.
Media mëson se ai është dorëzuar tek organet e rendit.
I njëjti është dërguar në mbajtje për 48 orë.
Rasti kishte ndodhur në kryeqytet, më 3 janar në rrugën “Mine Peza” rreth orës 18:50.
Humolli dyshohet se ka kryer vepren penale “Vrasje në tentativë”.
I dyshuari tashmë rrezikon edhe të paraburgoset nga organet e drejtësisë, pasi të mbahet seanca fillestare e gjykimit.
Nuk dihet ende motivi i këtij konflikti mes palëve.
Pas ngjarjes, Shkodran Humolli, kishte arritur që të ikë nga vendi i ngjarjes, derisa pas më shumë se një muaji në arrati i njëjti iu dorëzua policisë.
