Se ç'u mblodh' në t'lashtën Skampë,
e lashta Skampë, o Skampë e ngratë,
tre shkavellë triumvirat,
një i shkurtër, dy të gjatë!
Nëpër gjak të shqiptarisë...
"Ngri poturet përmbi gjunjë,
shkel anash, se bëhesh pis
gjak pa vlera, popull llum!"
Mbi shtëpi të bëra shkurm,
tre shkavella bëjnë tregti:
"Ç'po na duhet ne kjo punë,
ne të tre kemi shtëpi!?"
Shtëpitë i kemi, gratë si yll
ç'po na duhet për të tjerat,
përdhunuar n'fushë a n'pyll,
na u shtoftë nami ne të revet!
Rroftë, pra, triumvirati
sipër gjakut të fëmijëvet,
sipër nënash të pashtrat,
sipër shkrumit të shtëpivet!
Gjokë Dabaj
