Afarizmi me kompani që selinë e kanë në Kinë është vendim sovran, por është e nevojshme që qeveria e Serbisë të jetë e vetëdijshme për rreziqet afatshkurta edhe afatgjate dhe çmimin e afarizmit me Kinën, i është “Zërit të Amerikës” nga Departamenti i Shtetit me rastin e njoftimeve se Serbisë i është dërguar pajisje edhe armatim kinez, shkruan “Nova.rs” transmeton “Bota Sot”.
Prandaj Serbia duhet të kuptojë qartë rrezikun dhe çmimin e këtij afarizmi me Kinën, shkruan VOA.
Zëdhënësi i Pentagonit Xhon Kirbi ka deklaruar paraprakisht në Uashington se ShBA nuk kanë mundësi të konfirmojnë dërgesën kineze të së shtunës në Serbi të cilën Pekini zyrtar e ka cilësuar si pajisje të zakonshme ushtarake, apo siç tha të spekulojë për ndikimin në Rusi dhe Kinë.
Ministria e mbrojtjes së Serbisë është pyetur lidhur me llojin e pajisjeve që kanë arritur në Serbi nga Kina dhe nëse gjatë dërgesës janë shfrytëzuar aeroplanë të ushtrisë kineze, por nuk ka pasur përgjigje deri tash.
Në këtë rast, informatat e para janë publikuar të shtunën në rrjetet sociale, ku shfrytëzues të këtyre rrjeteve kanë publikuar fotografi të fluturakeve të madhësive të mëdha që kanë fluturuar mbi hapësirën e kryeqytetit të Serbisë, shkruan VOA.
Agjencia “Associated press” ka publikuar njoftimin se transportues të ushtrisë kineze të tipit Y-20 kanë kryer dërgesën e sistemit kinez raketor HQ – 22 shenja eksportuese e të cilës është FK-3, por këtë informacion deri tani nuk e ka konfirmuara asnjë zyrtar.
E vetmja gjë e njohur deri tani është kumtesa nga pala kineze lidhur me dërgesën, ku thuhet se bëhet fjalë për pajisje të zakonshme ushtarake.
