Njerëzit kanë një nevojë të lindur për përkatësi ndaj njëri-tjetrit, qoftë ndaj miqve apo familjarëve.
E njëjta gjë ndodh edhe në vendin e punës.
Kur njerëzit e shohin ambientin e punës si vendin e përkatësisë së tyre janë më produktivë, më të motivuar dhe angazhohen më shumë.
Në një studim të bërë nga “EY Belonging Barometer”, në Shtetet e Bashkuara të Amerikës u morën 1000 punonjës amerikanë për të kuptuar gjendjet emocionale që krijohen në punë.
Sipas këtij studimi, 62 për qind e njerëzve e shikojnë shtëpinë e tyre si vendin e përkatësisë ndërsa 34 për qind, vendin e punës. Kjo tregon se shumë njerëz lidhen me ambientin e tyre të punës si të ishte familja e tyre.
Rezultatet e sondazhit treguan një zgjidhje të thjeshtë për të përmirësuar marrëdhëniet: thjesht pyesni kolegun tuaj “Si je?”
34 për qindëshi i të anketuarve që e ndjejnë ambientin e punës si vendin e përkatësisë thonë se i pyesin përherë kolegët e punës nëse janë mirë, si personalisht dhe profesionalisht. Kjo ishte e vërtetë në të gjitha gjinitë dhe grupet e moshave.
Duke njohur punonjësit e tyre në një nivel personal, kompanitë dhe udhëheqësit mund të rrisin ndjeshëm përvojën e punonjësve duke i bërë njerëzit të ndihen të vlerësuar dhe të afërt. Kjo do ta bënte punën akoma më të frytshme.
