Flokët e kapura bisht është një ndër modelet më praktike. Por është e rëndësishme të tregoni kujdes kur vendosni t’i mbani flokët kështu. Nëse e keni zakon t’i tërhiqni flokët shumë fort dhe t’i mbani gjatë gjithë ditës, mund të përballeni me probleme shëndetësore.
Mund të shkaktojë migrenë
Flokët e kapura bisht mund të shkaktojnë dhimbje koke. Flokët nuk janë të ndjeshëm ndaj dhimbjes, por nën gjëndrat e flokëve tuaj, ka nerva që mund të ndiejnë dhimbje nga tërheqja e flokëve.
Mund të lëndohet skalpi
Tërheqja e flokëve mund të dëmtojë skalpin e kokës. Kjo vjen nga lëkura dhe zona perifolikulare e kokës duke bërë që të ndieni dhimbje menjëherë sapo lëshoni flokët.
Mund të përjetoni dhimbje shpine
Dhimbja që ndjeni në skalpin e kokës, shfaqet dhe mund të përhapet deri në qafë dhe në shpinë. Kjo ndodh sepse ju aktivizoni nervat ndijor edhe më shumë duke i detyruar flokët të qëndrojnë lart.
Lëkura mund të tërhiqet
Tërheqja e flokëve ndikon dhe tek lëkura juaj sepse humbet elasticitetin e saj. Me kalimin e kohës, do të dukeni më të moshuar. Nëse i tërhiqni flokët kaq shumë, lëkura mund të qëndrojë e tërhequr për një periudhë të gjatë kohe.
Flokët mund të këputen lehtësisht
Flokët tuaj janë mjaft të brishtë, prandaj tërheqja e tyre me një llastik gjatë gjithë kohës do t’i bëjë më të dobët. Situata mund të përkeqësohet nëse flini me flokët e kapura bisht.
Mund të shkaktojë alopeci
Alopecia tërheqëse është një lloj specifik i humbjes së flokëve përgjatë vijës së flokëve dhe kjo ndodh kur ka tension. Kontrolloni kokën tuaj për gunga të vogla.
