Unë vazhdimisht kërkoj të vërtetën time të brendshme dhe i shërbej asaj.
-Sqaroj nevojat e mia, i komunikoj ato qartë dhe i kënaq aq sa lejojnë kushtet dhe respekti për të tjerët.
-Ruaj autonominë time, pavarësinë time dhe mos-lidhjen time me njerëzit, situatat, gjërat.
-Vendos kufij në marrëdhëniet e mia. Unë ia bëj të qartë familjes time se çfarë dua dhe çfarë nuk dua, çfarë toleroj dhe çfarë jo, çfarë pres dhe çfarë mund të presin ata nga unë.
-Unë i vë vetes kufij në mënyrë që të mos sakrifikoj vlerat e mia dhe të mos dëmtoj veten ose të tjerët. Unë respektoj dëshirat e mia, impulset e mia dhe pasionet e mia, por gjithashtu i mbaj ato nën kontroll.
-Unë i pranoj të gjitha emocionet e mia, madje edhe ato më të pakëndshmet, njoh qëllimin e tyre dhe i menaxhoj me mençuri dhe në mënyrë efektive.
-Pranoj të kaluarën time dhe gabimet e mia dhe mësoj prej tyre për të shmangur përsëritjen.
-Pranoj diversitetin tim dhe efektet e tij.
-Pranoj atë që më ndodh dhe përpiqem të përmirësohem në lidhje me përgjegjësitë e mia në të.
-Pranoj anën time të errët dhe e menaxhoj me vetëdije.
-E lejoj veten të ndihem e dobët, të kërkoj dhe të pranoj ndihmë, të marr atë që është e nevojshme për t’u rikuperuar, për t’u zhbllokuar, për t’u forcuar, për t’u rehabilituar, për të evoluar.
-Kujdesem për trupin dhe shëndetin tim çdo ditë.
-Nuk e shpenzoj kohën time, energjinë time, aftësitë e mia, në njerëz, marrëdhënie, situata, aktivitete që më kthejnë mbrapsht, që më ndryshojnë, që më bllokojnë, që më lëndojnë.
-Jap dhe ofroj sa më shumë që mundem dhe ia vlen.
-Lidhem ngushtë vetëm me njerëz të shquar. Shoqëria me ta ofron si tek mua ashtu edhe te ata, shton dhe nuk zbret, krijon dhe nuk shkatërron.
-Mbaj një ego të shëndetshme pa nënvlerësuar, nënçmuar, zhvlerësuar, lënduar ose shfrytëzuar të tjerët.
-Njoh, vlerësoj dhe shijoj arritjet e mia, zhvillimin tim, konfirmimin e aftësive të mia, por nuk pushoj.
-Më pëlqen jeta dhe çfarë të mire më jep me të gjitha shqisat e mia.
-I ndjehem mirënjohëse çdo dite për atë që më ndodh, e mirë apo e keqe dhe mësoj prej saj.
-Mundohem të bëhem gjithmonë e më mirë, por në lidhje me atë që jam, jo në krahasim me të tjerët.
