Dita e Babait, një rast për të nderuar kontributet e etërve në familje dhe shoqëri, festohet çdo vit të dielën e tretë të qershorit, që këtë vit përkon me ditën e parë të verës në hemisferën veriore.
Familjet, zakonisht e festojnë këtë ditë me dhurata dhe dreka për baballarët. Ekonomistët thonë se amerikanët shpenzojnë më shumë se 1 miliard dollarë çdo vit për dhurata me rastin e Ditës së Babait.
Kjo festë e ka origjinën më 5 korrik 1908 kur një kishë në Virginian Perëndimore mbajti një ceremoni në kujtim të 362 burrave që kishin vdekur një vit më parë nga shpërthimi në minierat e qymyrgurit.
Gjatë viteve 1920 dhe 1930, ka pasur përpjekje për t’i bashkuar Ditën e Babait dhe Ditën e Nënës në një festë të vetme që do të quhej Dita e Prindërve. Por më pas filloi Lufta e Dytë Botërore dhe kështu u bë i zakonshëm festimi i Ditës së Babait si një mënyrë për të nderuar trupat që ishin në shërbim të vendit. Për këtë arsye, kjo ditë mbeti një institucion kombëtar.
