Ne të gjithë e dimë se TikTok është plot hile për kujdesin e lëkurës, disa të dobishme, disa të rrezikshme dhe disa shumë të çuditshme.
Siç do të priste çdokush, aplikacioni kohët e fundit zbuloi një tjetër këshillë shumë të mirë për të qenë e vërtetë për të dëbuar puçrrat dhe për t’i mbajtur ato përgjithmonë larg.
Një përdoruese me emrin Aubyrn Jade ka marrë më shumë se shtatë milionë shikime duke treguar transformimin e saj dramatik të lëkurës, të cilën ajo thotë se e ka arritur me një trajtim të ujit me kripë deti.
Po – spërkatja e një përzierje të kripës së detit dhe ujit në fytyrën e saj dy herë në ditë me sa duket e shpëtoi nga aknet pasi ajo kishte provuar “gjithçka”. Ajo e mësoi këtë këshillë nga një krijuese tjetër e TikTok, Lea Crylivs, e cila filloi të përdorë një përzierje të kripës së detit pasi kuptoi se lëkura e saj zakonisht pastrohej pasi notonte në oqean. Të dyja thonë se ilaçi funksionon sepse balancon pH -në e lëkurës dhe vret bakteret.
Por, sipas dermatologëve, kjo mund të funksionojë në teori, por nuk është një zgjidhje e përhershme për puçrrat ose plagët.
“Aknet mund të përfitojnë në mënyrë anekdotike nga efekti pastrues i poreve të kësaj tinkture të vogël”.
“Kripa teorikisht mund të nxjerrë vajra dhe të thajë puçrrat”, shpjegon dermatologia Mona Gohara.
Ajo vëren, megjithatë, se uji direkt nga oqeani dhe uji i kripur i detit i përzier në shtëpi janë dy gjëra shumë të ndryshme.
“Unë mendoj se ka shumë opsione të tjera që funksionojnë më mirë, gjithashtu”, ka shtuar tutje.
