Një nga tendencat që do të dominojë gjatë stinës së ngrohtë është rikthyer dhe ju, me siguri, duhet ta keni një të tillë në gardërobë.
Mes të gjitha stileve e modeleve, fundet me pala janë “shpëtimi” i ditëve të ngrohta të pranverës, por edhe më tej, i ditëve verore.
Të gjithë emrat më në zë të botës së modës në botë, nuk kanë harruar që në koleksionet e tyre të reja të prezantojnë fundet me pala – tashmë me gjatësi dhe dizajne të larmishme.
Nëse deri tani kishte një tendencë të lehtë fundi i shkurtër me pala, që të kujtonte fundin e preferuar të tenisit, këtë pranverë-verë pranohen gjatësi të ndryshme, deri në kyçin e këmbës.
Megjithatë, nuk ka rregulla. Funde me printe, të thjeshtë, shumëngjyrëshe, njëngjyrëshe, të kombinuar me thurje ose të kombinuar me një crop top - sa kohë që është me pala, atëherë gjithçka tek ju do t’ju sigurojë stil unik.
