Të qëndruarit në plazh me orë të tëra duket shumë qejf, por ndonjëherë mungesa e përgatitjes, rrugët e gjata me makinë, fëmijët e zhurmshëm etj., mund ta bëjnë disi më të lodhshme këtë eksperiencë. Ka disa gjëra të thjeshta që mund të bëni dhe t’i lehtësoni disi punën vetes.
– Pudër bebi
Pudra e bebit është një domosdoshmëri në plazh, sidomos në rastet e familjeve me fëmijë dhe në plazhet me rërë. Thjesht spërkatni pak pudër në një peshqir plazhi ose në dorë, lyeni duart tuaja ose të fëmijës dhe rëra zhduket si me magji! Pudra e bebit heq lagështirën nga lëkura, duke e bërë të vështirë që rëra të ngjitet në të.
Këshillë: Spërkateni pudrën në këmbë menjëherë përpara se të merrni makinën, pas ditës suaj në plazh. Më pas fshijeni me peshqir. Në këtë mënyrë nuk do ta sillni të gjithë rërën në shtëpi.
– Mbrojtës plastik telefoni
Pajisjet teknologjike si smartphone apo tablet, mund të dëmtohen lehtësisht në plazh, duke rënë aksidentalisht në gurë/rërë apo duke prekur ujin, prandaj mbrojtja e tij është e nevojshme.
– Krem mbrojtës
Përdorni krem me SPF 50+ nëse keni lëkurë të bardhë dhe jeni në ditët e para të plazhit.
